Juan 17:26 - Ya Baru nga Tulag

²⁶ Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 17:26 Iomraidhean Croise

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 15:4

Dikad pe̍ silalagip kayu kuma ngarud iyaken, nga agten mettas iya pananglaglagip ku nga pe̍yeng dakayu. Ta maiyarig kayu iya isa nga sanga niya lanut, ata ya sanga, madi ngarud makabisic nga ig-igina, no bekken nga naisilpu iya kunungan na. Ket agten kayu pe̍ iyan, ta awan mamaay nu no madi dac laglagipen.

Juan 15:9

“Agten idi: Ya panagayat ku dakayu, agten mettas iya panagayat niya Ama iyaken. Itu nga laglagipen nu kuma ngarud ya panagayat ku dakayu.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 17:6

“Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 6:56

Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.

Juan 8:50

Ngem awan anyaman na iyaken ya agten iyan, ta madi yac sapsapulen ya pakaidayawac dakayu. Uwed met sabali nga mangbiyang iya pannakaipadayaw ku, ket igina pe̍ ya mangikeddeng maipanggep kadidi nga banag.

Ruma 8:10

Ngem no uwed dakayu nge̍ Kristu, uwed ngarud biyag diya kararuwa nu gapu iya pannakaibilang nun nga nalinteg, orey uwed pekkem pannakatey diya beggi nu gapu ka basul.

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

1 Kurintu 12:12

Ta dactida nga toley ne̍ Kristu, maiyarig tida kadiya nadumaduma nga parte̍ niya isa nga beggi niya toley, ta orey adu diya parte̍ na, ket is-isa met nga beggi. Ket iya agten iyan pe̍, nakaiyarigan met ne̍ Kristu ya isa nga beggi.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

E̍pe̍su 1:6

Agten iyan ya naariman, tasun daydayawen tida kuma ngarud nge̍ Apu Diyus gapu iya nakaskasdaaw nga siaayat nga asi na nga nipaay na dactida gapu iya pannakaitipun tida iya Dungdungnguwen na nga Anac.

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

E̍pe̍su 5:30

Ta dactida, naibilang tida nga kamkameng niya beggi na mettas.

E̍pe̍su 5:32

Uwed met nauneg nga maadal tida idi. Ket ya pannakaawat ku idi nga banag, ket kaiyarigan na met nge̍ Kristu se̍ ya bungguy mamati nga naitipun igina.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

Kulusas 2:10

Ket dakayu, gapu iya pannakaitipun nu e̍ Kristu win, naan-anay kayu ngarud itan. Ket e̍ Kristu met ya nangatngatu ngem kadiya amin nga turay se̍ diya amin nga pannakabalin diya madi masingen.

Kulusas 3:11

Ket diya toley nga uwed igida yani nga kabarbaru nga gangey, awan pulus maibilang nga pagdudumaan niya kinatoley dan, orey bekken nga Hudyu man winno Hudyu, orey nakugit man winno diya madi agtungpal iyan nga ugali, agten pe̍ kadiya di pekkem makaemmu iya ugali Griye̍gu, se̍ diya taga-Sitya nga awan adal da. Ngarud, awan met pagdudumaan diya toley yin, orey tagabu man winno siwayawaya nga toley, ta e̍ Kristu met ya ibilang tida nga kangrunaanin, se̍ igina met ya katurayan ka amin.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

He̍briyu 2:12

Ta kinunen na ngarud e̍ Apu Diyus itun nga, “Ipakaemmuc nad ya maipanggep ikew kadiya kakabsat ku. Ikantac nad pe̍ ya panagdayaw ku ikew, iya imatang diya maurnung nga toley.”

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.