Juan 17:25 - Ya Baru nga Tulag

²⁵ “Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 17:25 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 15:21

Ngarud, gapu ta toley nakayu, arimanen da nad ngarud diyan nga pakarigatan nu, ta madi da met em-emmu ya nangibon iyaken.

Juan 16:27

Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina.

Juan 16:3

Agten kadiyan ngarud ya wanglen da nad dakayu, ta madi da met em-emmu ya Ama winno iyaken.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 17:18

Ket ita, nibon ku da nga mangtungpal iya gagara da idi nga lubung, nga agten pe̍ ito panangibon mu iyaken idi nga lubung.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 6:19

Ket ito nakadeyyu dito adalan nga aggacgaudin ka lumima winno agennem nga kilume̍tru win, nasingen da met nge̍ Je̍sus nga manmanalan iya sap-ew niya danumin nga umad-adenni iya bangka da. Ket napalaus ngarud ya ansing dan.

Juan 7:29

Ngem iyaken, em-emmuc ngarud, ta igina met ya naggayatac, se̍ igina ya nangibon iyaken,” kunen na.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

Juan 8:55

Ket dakayu, madi kayu em-emmu ya Amac. Ngem iyaken, em-emmuc met. Ket no kunec nga madic em-emmu, agbusid dac met nga agten dakayu. Ngem em-emmuc met. Ket ya kagi na, itu ngarud ya tungtungpalec.

Aramid 17:23

Ta ito pinaspasyar ku ya ili nu wi, binbintaac dito pagkarkararagan nu kadiya didiyusen nu. Ket uwed pe̍ naaskurac nga isa nga pagdatunan nu nga nasuratan ka kunen na nga, ‘Maipaay iya diyus nga di kami em-emmu,’ kunen na. Ket yan mettas nga diyus nga daydayawen nu nga kunen nu nga di kayu em-emmu, igina ngarud ya ipakaemmuc dakayu itan.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Ruma 1:28

Ket gapu ta madi gabay dito toley nga laglagipen ya kinapudnu maipanggep e̍ Apu Diyusin, nipamoya ngas ne̍ Apu Diyus da tasun naalas ngas ya panpanunut da, se̍ tasun ya dake̍c met ya wangwanglen da, nga bekken nga ya kustu.

Ruma 3:11

Awan toley nga makaawat iya kinapudnu, se̍ awan pe̍ mayat nga mangemmu maipanggep e̍ Apu Diyus.

Ruma 3:26

Ngem iya agdama nga timpu wi, ipasingen ngarud ne̍ Apu Diyusin ya kinalinteg na. Ket iya agten iyan, naipanecnec itan nga nalinteg ngarud nge̍ Apu Diyus, se̍ naipanecnec met pe̍ nga ibilang na nga nalinteg diya mamati e̍ Je̍sus.

1 Kurintu 1:21

Ket sigun iya sirib ne̍ Apu Diyus, nirimidyu na nga dactida nga toley, madi tida kabaellan ya mangemmu igina gapu ngas iya kinasirib tida. Ket iya agten iyan, nikeddeng ngarud ne̍ Apu Diyus nga isalakan na nga gennung diya amin nga mamati iya isursuru mi, nga itu met pe̍ ya panursuru nga kunen diya duduma nga awan kanu kaipapennan na.

1 Kurintu 15:34

Ket babawiyen nu lugudin diya bekken nga kustu nga panpanunut nu, tasun agpaay kayu kadiya nalinteg gin, se̍ ipac nun ya panagbasbasul nu. Ta uwed da met dakayu diya di pekkem makaawat maipanggep e̍ Apu Diyus, ket pakaiyal-alyewwan nu met yan.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

He̍briyu 8:11

Ket madi nad masapul nga agsisinnuru diya agkakailiyan winno diya agkakabsatin maipanggep iya pannakaemmu da iyaken. Madi da nad ngarud masapul nga ibaga nga, “Makiyem-emmu ka kuma ngarud iya Apu.” Ata amin da, em-emmu dac nad mettin, orey diya toley nga e̍teng ngas ya dayaw da, se̍ pati diya kadayawan nga toley.

1 Juan 1:9

Ngem no situtulnug tida nga mangipakaemmu kadiya basbasul tida, siguradu tida nga wanglen ne̍ Apu Diyus ya nalinteg, nga pakawanen nactida kadiya basbasul tida, se̍ dalusan nactida ka amin nga kinadake̍c.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 16:5

Ket nagicnac ya kagi nito anghe̍l nga agay-aywan iya danum, nga kinunen na, “Ikew met ya Nalinteg, se̍ ya uwed ita, se̍ ya uwed pe̍ itun. Ket rumbeng ngarud met didi nga panangeddeng mu.