Juan 17:19 - Ya Baru nga Tulag

¹⁹ Ket gapu igida, isnup ku ya beggic nga agsirbi ikew, tasun igida, maisnup da kuma pe̍ nga maipaay ikew, gapu iya kagim nga kinapudnu.

Juan 17:19 Iomraidhean Croise

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 15:13

Ket ya kadackellan nga ayat nga maipasingen niya isa nga toley kadiya gagayyem na, ket itu ya panangipalubus na nga mapatey ya beggi na para igida.

Juan 15:3

“Ket dakayu, nadalusan kayun gapu kadiya kagic dakayu.

Juan 17:17

Pagbalinem kay nga nasnup ka ngas nga pagsirbiyan da, gapu iya kinapudnu nga ipakaemmum igida. Ket ya kagim, itu met ya pudnu.

Juan 17:20

“Ngem bekken nas nga igida didi diya ikarkararagac, no di lugud pe̍ diya mamati nad iyaken gapu iya kasaba da.

1 Kurintu 1:2

Isurat mi yani dakayu nga bungguy nga agpaay e̍ Apu Diyus iyan Kurintu. Nisibna nakayu nge̍ Apu Diyus nga maibilang nga toley na gapu e̍ Kristu Je̍sus. Ket nairaman kayun kadiya amin nga napili nga toley ne̍ Apu Diyus iya orey awac nga edyan da, nga itu diya umaw-awag nga sidadayaw iya nagan ne̍ Je̍su Kristu nga Apu da, nga Apu tida met pe̍.

2 Kurintu 4:15

Ket amin didi nga pakaparparigatan mi, paglaingan nu da met. Ta gapu iya siaayat nga asi ne̍ Apu Diyus, umad-adu kuma diya kaasiyan ne̍ Apu Diyus nga agyaman igina. Ket iya agten iyan, mapadayawan ngarud nge̍ Apu Diyus.

2 Kurintu 7:14

Ket ito di pekkem nawe̍ nge̍ Titu iya edyan nu, uwed nibagac igina nga panangidaydayaw ku dakayu. Ket madi yac pe̍ napaay gapu dakayu, ta pinapudnuwan nu mettin to nibagac e̍ Titu maipanggep dakayu. Ket pudnu ngarud met dito nibagac e̍ Titu, nga agten mettas kadito amin nga nibagac dakayu itun.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

Kulusas 1:6

Ket idi mettas nga Makaparagsac nga Damag nga naipakaemmu win dakayu, pe̍yeng nga agbanag ka nabaru kadiya amin nga edyan iya lubung. Ket umad-adu met pekkem pe̍ ya paglaingan na kadiya mamati, agten pe̍ dakayu, nanipud ito damu nga nagicna nu se̍ naawatan nu ya kinapudnu maipanggep iya siaayat nga asi ne̍ Apu Diyus.

1 Te̍salunika 4:7

Ta madi nactida nga pinili nge̍ Apu Diyus nga agbiyag ka dake̍c, no di lugud tasun agwangel tida ka nalinteg.

2 Timutyu 2:10

Itu nga anusac ngas ya orey nagan na, para kadiya pinili ne̍ Apu Diyus nga toley na. Agten ngarud iyan ya wanglec, tasun maisalakan da pe̍ gapu e̍ Kristu Je̍sus nga mangiraman igida iya pannakapadayaw na nga madi agpatingga.

Titu 2:14

Igina met ya nangipalubus nga naidatun ya biyag na para dactida, tasun subbuten nactida iya turay diya amin nga kita niya kinadake̍c, se̍ tasun pagbalinen nactida nga kuwa na nga toley nga awanan basul, se̍ napasnec iya panagwangel ka nabaru.

He̍briyu 10:29

Ket no patey ya dusa dito nangsalungasing ito Linteg itun, di ngarud nakarkaru pekkem ya rumbeng nga dusa niya toley nga agsalungasing iya kinapudnu maipanggep iya pammati tida ita? Ta ya agten iyan nga toley, manglais met iya Anac ne̍ Apu Diyus, se̍ mangibilang nga awan pateg na ya naiyayus nga daga na, nga nangpatalged iya tulag nga pakadalusan diya basbasul tida. Ket se̍ manguy-uyaw iya siaayat nga Ispiritu ne̍ Apu Diyus nga managkaasi. Nakarkaru ngarud met ya rumbeng nga dusa niya agten iyan nga toley!

He̍briyu 2:11

Ket bekken nas nga iyan, ta is-isa met ya Ama niya mangdalus se̍ ya Ama diya nadalusanin. Itu nga madi malyew nge̍ Je̍sus nga mangawag nga kakabsat na diya toley.

He̍briyu 9:13

Ket sigun ito daan nga wagas nga panagdaydayaw itun, diya toley nga nairaman kadiya naibilang nga bekken nga nadalus, ket naibilang da nga narugitin iya imatang ne̍ Apu Diyus. Ngem no nawarsiyan diya agten iyan nga toley ka daga niya naidatun nga kalding winno turu nga baka, se̍ iya kebbu niya napooran nga bumalasang nga baka, ket naibilang da nga awan rugit dan, tasun maibilang nga nadalus manin ya beggi da iya imatang ne̍ Apu Diyus.

He̍briyu 9:18

Ket agten iyan met pe̍ to nona nga nipatulag ne̍ Apu Diyus kadiya toley na, ata to panangidaga da kadiya datun da, itu ya nangpatalged itun ito panangikari na.

He̍briyu 9:26

Ta no masapul nga pe̍yeng nga mabaliwan ya pannakaidatun na kuma, masapul ngarud met nga pe̍yeng nga mapatey nge̍ Je̍sus, manipud ito pannakaparsuwa niya lubung. Ngem ya kinapudnu na, nagparang nga nam-ame̍nsan, ket kustu win para iya amin nga timpu yan nga panagparang na. Nagparang ngarud ito nadatngan ya pannakatungpal niyan nga timpu win, tasun ipac na diya basbasul gapu iya panangidatun na iya beggi na.

1 Juan 3:18

Patpatgec nga an-anac, ya panagayat tida, ket bekken kuma ngas nga kagi tida winno kasaba tida ya patingga na, no di lugud ipasingen tida ya panagayat tida gapu kadiya wangwanglen tida, tasun pudnu kuma ya panagayat tida.

1 Juan 3:3

Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.