Juan 17:13 - Ya Baru nga Tulag

¹³ “Ket ita, sumoli yac ikew win. Ngem kagiyec didi bayat niya kauwed ku pekkem iya lubung ngi, tasun naan-anay kuma igida ya panaganggem nga agten mettas iya panaganggem ku.

Juan 17:13 Iomraidhean Croise

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 15:11

“Nibagac didi dakayu ita tasun aglak-am kayu kuma nga pe̍yeng iya panaganggem nga tumaud iyaken, se̍ tasun awan kuma pagkurangan niya anggem nu.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 3:29

“Kaspagarigan ya nubyu, ket igina met ya mangasawa iya nubya. Ket ya gayyem niya nubyu, igina met ya agsiput se̍ agdengdengngeg nga siraragsac iya maariman iya pakalun, ket agang-anggem nga unay no magicna na ya kagi niya nubyu. Ket iyaken, agten nac pe̍ iyan, ta agang-anggem mac nga unayin.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Aramid 13:52

Ket dito pasurut niya Apu nga iAntiyakiya, naganggem da nga unay, se̍ paiturayan da pe̍ iya Ispiritu Santu.

Ruma 14:17

Ta no maipanggep iya panangituray ne̍ Apu Diyus dactida, ket bekken nga ya pannangan se̍ panaginum ya napateg, no di lugud ya pannakapalinteg, se̍ ya panagtutunus, se̍ ya panaganggem nga tumaud iya Ispiritu Santu.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

1 Juan 1:4

Ket didi nga banbanag, isurat mi dakayu tasun awan pagkurangan niya anggem tida.

2 Juan 1:12

Adu kuma pekkem diya ibagac dakayu, ngem madic gabay no isurat ku was ka pape̍l. Nabarbaru met no ibagac nad dakayu no makalbe̍t tac iyan, ta sacwaran nakayu nad kuma. Ket nad no makapagsisingen tidan, awan ngarud pagkurangan niya panaganggem tidan.