Juan 17:11 - Ya Baru nga Tulag

¹¹ Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 17:11 Iomraidhean Croise

Matyu 10:16

“Ket ita, ya panangibon ku dakayu, ket arig mettas nga uwed karne̍ru nga iturung ku iya edyan diya atap nga asu nga nauyung. Itu nga agsalsalingag kayu kuma ngarud nga arig nga malaga, se̍ nanacman kayu kuma pe̍ nga arig nga kalapati.

Matyu 5:48

Ngarud, dakayu, masapul nga agbalin kayu nga awan pagkurangan iya panagbiyag nu, nga agten mettas iya gangey niya nailangitan nga Ama nu, nga awan pagkurangan na.”

Matyu 6:9

“Dikad pe̍ no agkararag kayu, agten idi kuma: ‘Ama mi nga uwed ka langit, madaydayaw kuma ya napudnu nga turay mu,

Juan 13:1

Ket itun, nganngani ya Padaya Nitatalibin. Ket e̍ Je̍sus, emmu na nga nadatnganin ya timpu na nga pumanaw idi nga lubung se̍ ya isosoli na iya Ama. Pe̍yeng nga inay-ayat ne̍ Je̍sus diya toley na idi nga lubung. Ket nabileg ngarud pekkem pe̍ ya panagayat na igida agingga iya pagpatinggaan niya biyag na idi nga lubung.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 17:6

“Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Aramid 3:21

E̍ Je̍sus, aged-edyan pekkem ita ka langit patingga ka di pekkem pabaruwen ne̍ Apu Diyus diya amin nga banbanag, sigun ito nipaibaga ne̍ Apu Diyus kadito pinili na nga mammadtu itun.

Ruma 12:5

Ket dactida nga mamati, agten tida pe̍ iyan, ta orey adu tida, ket makikamkameng tida e̍ Kristu nga arig nga is-isa tida nga beggi. Napagkakamang tida ngarud nga agten mettas kadiya nadumaduma nga parte̍ niya isa nga beggi toley.

Ruma 9:17

Ta naisurat iya Bibliya to kinunen ne̍ Apu Diyus ito Paraun nga ari ka E̍hiptu itun, nga kunen na, “Gapu was iya panggep ku, pinagbalin naka nga agturay, tasun gapu ikew, maipasingen ya pannakabalin ku, se̍ tasun maipakaemmu nga silalatac ya kinapudnu maipanggep iyaken iya amin nga lubung,” kunen na.

1 Kurintu 1:10

Kakabsat, gapu iya turay niya Apu tida nga Je̍su Kristu, ipacpakaasic dakayu nga agkikinnaawatan kayu kuma. Ta madi kuma mabingabingay ya bungguy nu, no di lugud is-isa kayu kuma ngin ka panggep se̍ panpanunut.

Galasiya 3:28

Dikad pe̍ gapu iya pannakaitipun nu e̍ Kristu Je̍sus, naibilang kayu nga agpapada ngin. Awan ngarud nagdudumaanin diya Hudyu se̍ bekken nga Hudyu iya imatang ne̍ Apu Diyus, ket awan pe̍ pagdumaanin niya tagabu winno bekken nga tagabu, se̍ awan pe̍ pagdumaan niya lalaki winno babey, ta is-isa kayu nga aminin.

E̍pe̍su 4:4

Ngarud, amin tida nga toley ne̍ Kristu, sangkabungguy tida met, nga maiyarig iya is-isa nga beggi. Ket is-isa pe̍ ya Ispiritu ne̍ Apu Diyus nga uwed dactida, agten met pe̍ nga is-isa ya namnama tida gapu iya nangpiliyan ne̍ Apu Diyus dactida.

Pilipus 2:9

Itu nga pinagbalin ne̍ Apu Diyus nga kangatuwan ya dayaw na. Ket pinagbalin pe̍ ne̍ Apu Diyus nga katurayan ya turay niya nagan na,

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

He̍briyu 9:24

Diya namaymayat ngarud ya masapulin, ta e̍ Kristu, bekken nga ya nasantuwan nga pagdaydayawan nga inariman toley to imuneggan na. Ta to nona nga pagdaydayawan, ket ladawan ngas niya kustu nga pagdaydayawan nga uwed ka langit. Ngem e̍ Kristu, imuneg ngarud iya pagdaydayawan ka langit iya imatang mettas ne̍ Apu Diyus. Ket ita, uwed met antuni nin nga mangibegbeggi nga maipaay dactida.

Santiyagu 4:4

Bekken kayu met nga maikari nga matalec kin, ta pinanawan nu ya isusurut nu e̍ Apu Diyusin! Madi kayu kad emmu nga maikuntra kayu e̍ Apu Diyus no patgen nu ya ugali diya di mamati igina? Dikad pe̍ no patgen nu ya kinadake̍c diya di mamati idi nga lubung, agbalin nga kagura nu nge̍ Apu Diyus.

1 Pe̍dru 1:5

Ket gapu iya panamati nu, aywanan nakayu nge̍ Apu Diyus gapu iya pannakabalin na patingga iya pakatungpalan niya naisagana nga pakaisalakanan tida nga maipakaemmu nad no kaodiyan nga algew.

1 Juan 3:12

Bekken tida kuma nga agten ito Kain nga kameng niya diyablu nga managdacdake̍c. To Kain, pinatey na met to adi na itun. Ta dito wangwangel nito adi na, ket nalinteg. Ngem dito wangwangel ne̍ Kain nga gennung, dake̍c met. Itu ya gapu na nga pinatey na to adi na.

1 Juan 5:19

Emmu tida nga no dactida, kamkameng nactida nge̍ Apu Diyus. Ngem diya duduma nga toltoley iya lubung, kamkameng met niya diyablu nga managdacdake̍c.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 19:12

Ket arig nga gumilgilab nga apuy diya mata nito nakasakey, ket adu diya balangat iya ulu na. Ket uwed met nagan nga naisurat igina, ngem igina ngas ya makaemmu iya kaipapennan na.

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.