Juan 16:8 - Ya Baru nga Tulag

⁸ Ket nad no umbe̍t ya Mamagbaga ngin, ipakaemmu na kadiya toltoley ya kinapudnu maipanggep iya kinamanagbasul da, se̍ maipanggep iya kinalinteg nga ibilin ne̍ Apu Diyus, se̍ maipanggep iya panangukum na, tasun awan pambar dan.

Juan 16:8 Iomraidhean Croise

Juan 16:7

Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu.

Juan 16:9

Ipakaemmu na ngarud igida ya maipanggep iya basul, gapu ta madi da met gabay ya mamati iyaken.

Juan 8:46

Awan dakayu ya makabalin nga mangpabasul iyaken. Ket orey pudnu ya ibagbagac, di dac met patiyen.

Juan 8:9

Ket ito nagicna dito nagsaludsud to kinagi na, pimanaw da nga sagge̍sa ngin. Nona dito lallakay, patingga nga diya nabati ngasin, ket e̍ Je̍sus se̍ to babey nga agsisikad pekkem iya sangu na.

Aramid 2:37

Ket ito nagicna dito toley to kinagi ne̍ Pe̍dru, linumdaang da. Itu nga kinunen da e̍ Pe̍dru se̍ kadito duduma nga apustule̍s, “Wawagi, nagan ngarud ya wanglen min?” kunen da.

1 Kurintu 14:24

Ngem no mangikaskasaba kuma ya tunggal isa dakayu iya kagi ne̍ Apu Diyus, ket no uwed umbe̍t makigimung dakayu nga bekken nga mamati, winno ya madi pekkem makaawat iya panggep nu, mabalin nga mapanecnekkan na ya pagkurangan na se̍ malasin na ya kasapulan na pekkem, gapu kadiya amin nga magicna na.

Hudas 1:15

tasun arimanen na ya panangukum na no disidiren na nad diya amin nga toley maipanggep iya pagbanagan da. Ipakaemmu na nad ngarud diya amin nga dake̍c nga winangwangel diya amin nga madi agdayaw e̍ Apu Diyus. Ta ipanecnec na nad met nga maikuntra e̍ Apu Diyus dito winangwangel da gapu iya dake̍c nga ugali da. Ket ipakaemmu na nad pe̍ dito amin nga dake̍c nga nikagkagi diya managbasul nga madi agdayaw e̍ Apu Diyus,” kunen na.