Juan 16:7 - Ya Baru nga Tulag

⁷ Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu.

Juan 16:7 Iomraidhean Croise

Lukas 24:49

Ket agten idi: Ibon ku dakayu to nikari niya Amac. Ket masapul nga madi kayu ngarud pekkem pumanpanaw idi nga siyudad, agingga nga di kayu pekkem mae̍cdan ka pannakabalin nga gayat ka langit,” kunen na.

Lukas 4:25

Se̍ pudnu met pe̍ yani: Adu diya balu nga babey idi Israe̍l ito timpu nito mammadtu nga E̍lyas. Malagip nu nga itun nga timpu, tellu nga dagun se̍ ennem nga bulan nga madi met nagudan, ket uwed met to napalaus nga bisin iya amin nga luglugar iya pagiliyan.

Lukas 9:27

Ngem tutu met pe̍ nga uwed duduma dakayu idi ita, nga madi nad pekkem matey agingga nga madi da aglak-am iya panangituray ne̍ Apu Diyus,” kunen na.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 14:28

“Malagip nu ngarud to kaibagbagac dakayu nga pumanaw wac nad, ngem sumoli yac nad mettas dakayu, kunec. Ket no pudnu ya panagayat nu iyaken, naragsakan kayu kuma, gapu ta mawe̍ yac ngarud iya pagedyanan niya Ama. Ket ya Ama, nangatngatu met ngem iyaken.

Juan 14:3

Mawe̍ yac ngarud, ket kalpasan niya panangisaganac iya pagedyanan nu ennan, sumoli yac met nga umbe̍t nakayu alaken, tasun ya pagedyanac, itu met pe̍ ya pagedyanan nu.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 16:8

Ket nad no umbe̍t ya Mamagbaga ngin, ipakaemmu na kadiya toltoley ya kinapudnu maipanggep iya kinamanagbasul da, se̍ maipanggep iya kinalinteg nga ibilin ne̍ Apu Diyus, se̍ maipanggep iya panangukum na, tasun awan pambar dan.

Juan 7:39

Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

Aramid 10:34

Ket rinugiyan ngarud ne̍ Pe̍dru ya nangaskasaba nga kinunen na, “Nalawag met iyaken nin nga awan nga tutu idumduma ne̍ Apu Diyus kadiya toley.

Aramid 2:33

Naipangatu nge̍ Je̍susin nga nawe̍ iya madiwanan ne̍ Apu Diyus, nga itu ya kadayawan nga saad. Ket inawat ne̍ Je̍sus to nikari ne̍ Apu Diyus itun, nga itu ya Ispiritu Santu nga naiyalubu win dakami. Ket itu win ya masingsingen se̍ magicgicna nu ita.

Ruma 8:28

Ket emmu tida met nga amin nga mapasamac dactida, pagbalinen ne̍ Apu Diyus nga nasirbi para dactida nga agayat igina se̍ napili gapu iya panggep na.

2 Kurintu 4:17

Ta amin didi nga pakaparparigatan mi, bekken da nga nadagsen winno agnanayun. Ket itured mi ngasin, gapu iya panagnamnama mi iya kinadayaw nga mae̍cde̍ nad dakami gapu iya panangitured mi kadidi nga pakaparparigatan mi ita. Ket iyan nga kinadayaw, madi ngarud agpatingga se̍ awan kapada na.