Juan 16:5 - Ya Baru nga Tulag

⁵ “Ngem ita, pumanaw wac kun nga sumoli iya edyan niya nangibon iyaken. Ket dakayu, madi kayu met gabay nga emmuwen iyaken ya kapennac kun.

Juan 16:5 Iomraidhean Croise

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 13:36

Ket e̍ Simon Pe̍dru, nagsaludsud e̍ Je̍sus nga kinunen na, “Awac kadi ya pennam, Apu?” kunen na. Ket kinunen ne̍ Je̍sus igina, “Madi ka mabalin ya mipuyut iyaken ita iya kapennac. Ngem sumarunu ka nad mettas,” kunen na.

Juan 14:28

“Malagip nu ngarud to kaibagbagac dakayu nga pumanaw wac nad, ngem sumoli yac nad mettas dakayu, kunec. Ket no pudnu ya panagayat nu iyaken, naragsakan kayu kuma, gapu ta mawe̍ yac ngarud iya pagedyanan niya Ama. Ket ya Ama, nangatngatu met ngem iyaken.

Juan 16:10

Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin.

Juan 16:16

Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.

Juan 16:17

Ket uwed da dito adalan na nga kinunen da kadiya kabulun da, “Nagan kid ya kayat na nga kagiyen iya nibaga na nga, iya di mabayag, madi tida kanu masingen nin, ngem kalpasan kanu mettas niya e̍teng nga timpu, masingen tida nad manin? Se̍ nagan na kid pe̍ ya kayat na nga kagiyen to kinagi na nga gapu kanu ta mawe̍ iya Ama?” kunen da.

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 17:13

“Ket ita, sumoli yac ikew win. Ngem kagiyec didi bayat niya kauwed ku pekkem iya lubung ngi, tasun naan-anay kuma igida ya panaganggem nga agten mettas iya panaganggem ku.

Juan 17:4

Iyaken, nidaydayaw naka ngarud idi nga lubungin, ta tinungpal kun ya nipawangel mu iyaken.

Juan 6:62

Makumsa kayu nad pe̍ aya no masingen nu ya Anac nga Naipatoley nga agpangudu nad nga mawe̍ ito sigud nga edyan na?

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.