Juan 16:27 - Ya Baru nga Tulag

²⁷ Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina.

Juan 16:27 Iomraidhean Croise

Matyu 10:37

“Ket ya toley nga napatpateg igina ya ama winno ina na ngem iyaken, bekken nga maikari nga maibilang nga toley ku. Se̍ agten pe̍ no ipatpateg niya isa nga toley ya anac na nga lalaki winno babey ngem iyaken, bekken met nga maikari nga maibilang nga toley ku.

Juan 14:21

“Ket ya toley nga agtungpal kadiya bilin ku nga naisuru igina, itu ya toley nga pudnu ya panagayat na iyaken. Ket ya agayat iyaken, ayaten pe̍ niya Amac. Ket ayatec pe̍ ya agten iyan nga toley, se̍ ipakaemmuc nad igina ya kauwed ku igina,” kunen ne̍ Je̍sus.

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 3:13

Ket awan pekkem imune̍c ka langit malacsid iya imulug nga gayat ka langit, ket itu mettas ya Anac nga Naipatoley.

Juan 7:29

Ngem iyaken, em-emmuc ngarud, ta igina met ya naggayatac, se̍ igina ya nangibon iyaken,” kunen na.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

1 Kurintu 15:47

To nona nga toley, ket idi nga lubung ya nagtaudan na, ta nabukel ka ginet. Ket ya maawagan ka maikadduwa nga toley, langit met nga gennung ya nagtaudan na.

1 Kurintu 16:22

Ket no uwed da madi mangipateg iya Apu, mailunud da ngas kuma. Sapay kuma ta umbe̍t ka ngarudin, Apu!

2 Kurintu 5:14

Ta madagdag kami iya panagsirbi mi e̍ Kristu, gapu iya pannakaawat mi iya panagayat na dakami. Ta napanecnekkan min nga natey nge̍ Kristu nga is-isa para kadiya amin nga toley. Ket itu ya gapu na nga naibilang nga natey pe̍ yin diya amin nga toley.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

E̍pe̍su 6:24

Sapay kuma ta uwed ya siaayat nga asi ne̍ Apu Diyus kadiya amin nga agayat iya Apu tida nga Je̍su Kristu ka ayat nga awan panagpatingga na.

1 Timutyu 1:15

Tandaanam kuma yani nga ibagac, ata pudnu met yani, se̍ gabay ku no awan kuma madi mamati iya amin nidi: Inumbe̍t nge̍ Kristu Je̍sus idi nga lubung tasun isalakan na diya uwed basul da. Ket iyaken met ya kadake̍kan iya amin!

He̍briyu 12:6

Ta amin nga patpatgen niya Apu, patigmaanan na ngarud, ket diya ibilang na nga anac na, itu diya arig nga bauten na,” kunen na.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.

Paltiing 3:19

Ket maemmuwam kuma nga balakadac se̍ palinteggec met diya ay-ayatec. Dikad pe̍ agpasnec ka kuma ngarud, ket ibabawi mun diya basbasul mu.

Paltiing 3:9

“Denggem yani nga wanglec para ikew: No maipanggep kadito kamkameng niya bungguy ne̍ Satanas nga agbusid nga agkunen nga Hudyu da kanu orey no bekken, ket ipasanguc da ikew, se̍ pagdayawec da ikew, ket isuruc nad igidan ya panangipateg ku ikew.