Juan 16:26 - Ya Baru nga Tulag

²⁶ Ket iyan nad nga timpu, dakayu ngarud ya agadeng igina gapu iya kinaturay ku. Ket madi nad masapulin nga iyaken ya agadeng igina ka para dakayu.

Juan 16:26 Iomraidhean Croise

Juan 14:16

Ket agadeng ngac nad iya Ama, ket paibon ku igina ya sumukat nga Mamagbaga dakayu, tasun uwed dakayu nga agnanayunin.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 16:19

Ket e̍ Je̍sus, emmu na nga gabay da nga pagsaludsudan, itu nga kinunen na igida, “Ape̍ nga agsisinnaludsud kayu mettin gapu ito kagic nga, ‘Iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin’?

Juan 16:23

“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 17:19

Ket gapu igida, isnup ku ya beggic nga agsirbi ikew, tasun igida, maisnup da kuma pe̍ nga maipaay ikew, gapu iya kagim nga kinapudnu.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 17:9

“Ket igida diya ikarkararagac kun. Bekken nga diya madi mamati ya ikarkararagac, no di lugud didi nga toley nga nitalec mu iyaken, ta kuwam da ngarud.

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.