Juan 16:22 - Ya Baru nga Tulag

²² Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 16:22 Iomraidhean Croise

Matyu 28:8

Ket gapu ito nasingen se̍ nagicna dito babey, naalistu da nga pimanawin ito edyan nito tamen, nga siaansing dan, se̍ siaanggem da met pe̍ yin. Ket nanagtag da nga nawe̍ mangibaga kadito adalan ne̍ Je̍sus.

Lukas 10:42

Ngem bekken met nga adu diya masapul mu nga biyangan, no di yas is-isa. E̍ Marya, pinili na mettin ya mayat, ket pulus nga madi maipac igina yan,” kunen na.

Lukas 16:25

“Ngem kinunen ne̍ Abraham, ‘Ay, anac ku, lagipem mas nga ito sibibiyag ka pekkem, naglak-am ka met ka nakaay-ayu nga nanam-ay nga banbanag. Ngem e̍ Lasaru nga gennung, karigatan nga banbanag ngas met to nalak-aman na itun. Ngem ita, maliwliwa met idi nin. Ket ikew met ya agrigrigatin.

Lukas 19:26

“Ket kinunen nito ari, ‘Kinapudnu na, ya toley nga adu ya uwed iginan, mae̍cdan nad pekkem. Ngem ya toley nga e̍teng ya uwed igina, maipac nad pekkem mas igina ya orey e̍teng ngas nga uwed iginan.

Lukas 24:41

Napalaus nga unay ya anggem da, ket arig nga madi da pekkem mamati iya nasingen da, ta mas-asdaaw da pekkem. Itu nga kinunen ne̍ Je̍sus igida, “Uwed kanen nu idi?” kunen na.

Juan 14:1

Kinunen manin ne̍ Je̍sus kadito adalan na, “Madi kayu kuma madanagan winno masicsikuran maipanggep iya ipapanaw ku, no di lugud mamati kayu e̍ Apu Diyus se̍ mamati kayu met pe̍ iyaken.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:27

“Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 16:16

Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.

Juan 16:20

Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem.

Juan 16:6

Lumdaang kayu nga gennung gapu kadiyan nga nibagac dakayun.

Juan 21:7

Ket to adalan nga dinungdungngu ne̍ Je̍sus, kinunen na ngarud e̍ Pe̍dru win, “E̍ Apu met tuni!” kunen na. Ket to Simon Pe̍dru, ito nagicna na nga ya Apu to agsisikad antuni, dagus nga nagluputin, ta siuuba met itun, se̍ limatuc iya danum nga agpagacdangin.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Aramid 13:52

Ket dito pasurut niya Apu nga iAntiyakiya, naganggem da nga unay, se̍ paiturayan da pe̍ iya Ispiritu Santu.

Aramid 16:25

Ket to napasamac, ket ito tumengnga gabi, agkarkararag se̍ agkankanta met de̍ Pablu nge̍ Silas nga agdaydayaw e̍ Apu Diyus. Ket dito pada da nga balud, aggigicna da ngarud.

Aramid 2:46

Nagkaykaysa da, ket inalgew da nga sangkabungguy nga nawe̍ aggigimung iya Te̍mplu. Nagkaykaysa da kadiya tunggal babaley da, nga pe̍yeng da nga nagtitipun nga nangan. Ket naragsac se̍ natunus ya panagbubulun da.

Aramid 5:41

Ket siraragsac nga pimanaw dito apustule̍s ito mimitingan diya kunse̍hale̍s, ta emmu da nga gapu mettas iya winangwangel da maipanggep iya kinaturay ne̍ Je̍sus, nibilang ne̍ Apu Diyus da nga maikari nga aglak-am iyan nga pakaiyal-alyewwan da.

2 Kurintu 6:10

Ket ibilang dakami nga lumdaang, ngem naragsac kami met latta nga pe̍yeng. Ibilang dakami nga napanglaw, ngem gapu dakami, adu met diya nagbalin nga arig nga nabacnangin iya pammati da. Ket ibilang dakami nga awan bukud mi nga kukuwa idi nga lubung, ngem naipaay met dakami ya amin nga banbanag.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

He̍briyu 10:34

Ta nisakit nu diya kapada nu iya panagrigat da ito naibalud da itun. Ket ito tinagikuwa dito gumurgura dakayu diya sansanicwa nu, nitured nu met nga siaanggem, ata linaglagip nu ya namaymayat nga kuwa nu nga namnamaen nu nga madi mapukaw.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.