Juan 16:20 - Ya Baru nga Tulag

²⁰ Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem.

Juan 16:20 Iomraidhean Croise

Matyu 21:38

“Ngem dito makisugsugpun, ito nasingen da to anac na, nagtetebbar da nga ig-igida, nga kinunen da lugud, ‘Ala, igina yani ya agtawid! Tidan! Patayen tida lugudin, ket dactida nad ya agtagikuwa iya tawiden nan,’ kunen da.

Matyu 5:4

Nagasat diya agladladingit, ata igida nad ya uwed pakaliwliwaan da.

Markus 14:72

Ket pag-isu met nga uwed maikadduwa nga nagtaraut nga kawitanin. Ket nalagip ngarudin ne̍ Pe̍dru to nibaga ne̍ Je̍sus igina itun nga, “Sacbay niya maikadduwa nga panagtataraut diya kawitan, ket name̍tlu nac nad met nga nilibac kin.” Ket ito nalagip ne̍ Pe̍dru yanin, nagberberrit met nga tutu win.

Markus 16:10

Ket kalpasan nito panagpasingen ne̍ Je̍sus igina, nawe̍ ngarud nipakaemmu ne̍ Marya kadito kinabkabulun ne̍ Je̍sus itun, nga agladladingit se̍ agberberrit.

Lukas 22:45

Ket kalpasan nito panagkararag ne̍ Je̍susin, nagsikad nga simoli ito edyan dito adalan na. Ket nadateng na da nga agtudtudugin, ta agdodongyot da itun gapu iya leddaang da.

Lukas 22:62

Ket rinumwar ngarud nge̍ Pe̍dru iyan, ket nagberrit ka napalausin.

Lukas 23:27

Ket adu diya toley nga nip-ipuyut e̍ Je̍susin, ket uwed da pe̍ babey nga nagladladingit nga nangberberrit e̍ Je̍sus.

Lukas 24:17

Ket sinaludsud ne̍ Je̍sus igida, “Nagan ya sapsaputen nu iya panagdaldalan nu?” kunen na. Ket nagsardeng ngarud nga nanalan dito duwa, ket masingen met kadiya rupa da ya leddaang da.

Lukas 24:21

Ngem dakami, ninamnama mi met itun nga igina ya mangwayawaya kuma nga mangisalakan dactida nga iIsrae̍l. Ngem ya napasamac, ket maikatlu nga algew itan ya napalabes sin, kalpasan nito panangpatey da igina.

Lukas 6:21

Dakayu nga mabisbisin ita, nagasat kayu, ta mapnec kayu nad mettas. Dakayu nga agladladingit ita, nagasat kayu, ta aggalgalec kayu nad nga siraragsac.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 16:6

Lumdaang kayu nga gennung gapu kadiyan nga nibagac dakayun.

Juan 20:20

se̍ na nipasingen igida diya ima na se̍ ya le̍pyong na nga natalingu. Ket naragsakan nga unay dito adalan na ito pannakasingen da iya Apu win.

Aramid 5:41

Ket siraragsac nga pimanaw dito apustule̍s ito mimitingan diya kunse̍hale̍s, ta emmu da nga gapu mettas iya winangwangel da maipanggep iya kinaturay ne̍ Je̍sus, nibilang ne̍ Apu Diyus da nga maikari nga aglak-am iyan nga pakaiyal-alyewwan da.

Ruma 5:11

Ket bekken nas nga ya pannakaisalakan tida ya pagragsakan tida, no di lugud agragsac tida pe̍ e̍ Apu Diyus, gapu iya Apu tida nga Je̍su Kristu nga nangibalin dactidan nga naitunus e̍ Apu Diyus.

2 Kurintu 6:10

Ket ibilang dakami nga lumdaang, ngem naragsac kami met latta nga pe̍yeng. Ibilang dakami nga napanglaw, ngem gapu dakami, adu met diya nagbalin nga arig nga nabacnangin iya pammati da. Ket ibilang dakami nga awan bukud mi nga kukuwa idi nga lubung, ngem naipaay met dakami ya amin nga banbanag.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

1 Te̍salunika 1:6

Ket itun, tinulad dakami se̍ ya Apu. Ta orey napalaus to rigrigat nu itun, namati kayu latta iya kagi ne̍ Apu Diyus. Ket naganggem kayu met pe̍ itun gapu iya anggem nga ipaay niya Ispiritu Santu.

Santiyagu 1:2

Kakabsat ku, ibilang nu kuma nga pakaanggemman nu nga tutu ya orey nagan na nga pakaparparigatan nu.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.

Paltiing 11:10

Ket pakaragsakan nad mettin diya toltoley nga uwed iya lubung ya pannakatey dito duwa. Agraragsac nad ngarud diya toltoley, se̍ agsisinnagut da nad pe̍ gapu ta natey yin dito duwa nga mangipadamag. Ta gapu kadito duwa, adu ya pakarigatan diya toltoley nga uwed iya lubung iyan nga timpu.

Paltiing 18:7

Ket sigun ito nakaru nga panagpaspasindayaw se̍ kinanam-ay nito babey itun, maitutup kuma met pe̍ yin ya nakaru nga rigat se̍ ladingit nga maipalak-am igina itan. Ta kunen na kem pe̍ yasin iya lemlemmet na, ‘Uwed dac nga nakatugew nga isa nga re̍yna! Bekken nac nga agten iya balu, ta pulus nga madic aglak-am ka ladingit, orey nungey!’ kunen na met.