Juan 16:19 - Ya Baru nga Tulag

¹⁹ Ket e̍ Je̍sus, emmu na nga gabay da nga pagsaludsudan, itu nga kinunen na igida, “Ape̍ nga agsisinnaludsud kayu mettin gapu ito kagic nga, ‘Iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin’?

Juan 16:19 Iomraidhean Croise

Matyu 6:8

Ngem madi nu lugud tuladen ya agten iyan nga ugali da, ta ya Ama nu, emmu na met ya kasapulan nu, orey madi kayu pekkem adngen igina.

Matyu 9:4

Ket gapu ta emmu ne̍ Je̍sus ya uwed iya lemlemmet da, kinunen na, “Ape̍ dake̍c ya uwed iya lemlemmet nu?

Markus 9:32

Ngem madi naawatan dito adalan tun nga kinagi na, ket nansing da met nga nagsaludsud iginan.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 16:16

Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.

Juan 16:18

Ket nagsisinnaludsud da pe̍ nga kinunen da, “Nagan kid ya kayat na nga kagiyen ito kinunen na, ‘iya di mabayag’? Madi tida ngarud maawatan ya ibagbaga na!” kunen da.

Juan 16:23

“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku.

Juan 16:26

Ket iyan nad nga timpu, dakayu ngarud ya agadeng igina gapu iya kinaturay ku. Ket madi nad masapulin nga iyaken ya agadeng igina ka para dakayu.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 21:17

Ket ya kapame̍tlu na, kinunen ne̍ Je̍sus e̍ Pe̍dru, “Simon nga anac ne̍ Juan, patpatgen nac kadi?” kunen na. Ket linumdaang ngarudin nge̍ Pe̍dru gapu ta sinaludsud ne̍ Je̍sus igina iya kapame̍tlu no patpatgen na. Dikad pe̍ kinunen ne̍ Pe̍dru, “Ay, emmum ngarud diya amin, Apu, ket emmum met nga patpatgen naka!” kunen na. Ket kinunen ne̍ Je̍sus igina manin, “Dikad pe̍ istimarem ngarud diya arig nga karne̍ruc, a.

Juan 6:61

Ngem e̍ Je̍sus, emmu na nga sigud nga agtantanabotob dito pasurut na gapu ito nibaga na. Itu nga kinunen na igida, “Ape̍ nga makumsa kayu gapu ito kunec?

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

He̍briyu 4:13

Ket agten pe̍ diya amin nga naparsuwa, ta awan mailinged e̍ Apu Diyus, nga arig nga naipac diya amin nga panglinged. Ket iya agten iyan, maemmuwan met ne̍ Apu Diyus ya aminin, ket igina met pe̍ ya sumungbatan tida.

Paltiing 2:23

Ket diya pasurut na, nga maiyarig ka an-anac na, dusaec da nad met pe̍ nga patayen. Ket iya agten iyan, maemmuwan diya amin nga bungbungguy diya mamati nga iyaken met ya mangsukimat iya lemlemmet se̍ tartarigagay diya toley. Ket supapakac ngarud ya tunggal isa dakayu, sigun iya winangel nu.