Juan 16:16 - Ya Baru nga Tulag

¹⁶ Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.

Juan 16:16 Iomraidhean Croise

Markus 16:19

Ket itun, kalpasan nito pannakitbar ne̍ Apu Je̍sus igida, ket naipangudu ka langitin. Ket enna langit, nagtugew iya kadayawan nga edyan, nga itu ya madiwanan ne̍ Apu Diyus.

Juan 12:35

Ket simungbat nge̍ Je̍sus nga kinunen na igida, “Iya di mabayag, awanin ya mangwada dakayu. Itu nga gawaan nu kuma ngarudin ya sumurut, ta uwed pekkem ita ya mangwada dakayu. Ngarud, gawaan nu, tasun madi nakayu makamakam ya gicbet. Ta ya manalan iya nagicbet, di na met mailasin ya pennan na.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 16:10

Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin.

Juan 16:22

Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 16:5

“Ngem ita, pumanaw wac kun nga sumoli iya edyan niya nangibon iyaken. Ket dakayu, madi kayu met gabay nga emmuwen iyaken ya kapennac kun.

Juan 17:13

“Ket ita, sumoli yac ikew win. Ngem kagiyec didi bayat niya kauwed ku pekkem iya lubung ngi, tasun naan-anay kuma igida ya panaganggem nga agten mettas iya panaganggem ku.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Aramid 1:3

Kalpasan nito pannakatey na, nagpaspasingen nge̍ Je̍sus igida ka unus eppat nga pulu nga algew, ket adu diya pammanecnec na tasun mapanecnekkan da nga tutu nga nagungarin. Nasingen da ngarud nge̍ Je̍sus, ket nilawlawag na igida ya maipanggep iya panangituray ne̍ Apu Diyus.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.