Juan 16:14 - Ya Baru nga Tulag

¹⁴ Iyaken nad ya ipadayaw na dakayu, ta diya gabay ku nga ibaga dakayu, itu mettas ya ipakaemmu na nad dakayu.

Juan 16:14 Iomraidhean Croise

Juan 14:21

“Ket ya toley nga agtungpal kadiya bilin ku nga naisuru igina, itu ya toley nga pudnu ya panagayat na iyaken. Ket ya agayat iyaken, ayaten pe̍ niya Amac. Ket ayatec pe̍ ya agten iyan nga toley, se̍ ipakaemmuc nad igina ya kauwed ku igina,” kunen ne̍ Je̍sus.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 7:39

Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

1 Kurintu 12:3

Itu nga gabay ku no maawatan nu nga ya toley nga idalan niya Ispiritu ne̍ Apu Diyus ya panpanunut na, madi na met mabalin ya agkunen nga, “Mailunud kuma nge̍ Je̍sus.” Ket iya agten iyan pe̍, awan toley nga makabalin nga agkunen nga, “E̍ Je̍sus ya Apu,” malacsid no paidaldalan iya Ispiritu Santu.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Galasiya 5:5

Ngem no dakami, namnamaen mi ya pannakaibilang mi nga nalinteg iya imatang ne̍ Apu Diyus gapu iya Ispiritu na. Itu nga sinanama kami gapu iya panamati mi.

1 Pe̍dru 2:7

Dikad pe̍ igina, napateg nga tutu win dakayu nga mamati igina. Ngem no diya bekken nga mamati igina, agten met ito naisurat iya Bibliya, nga kunen na, “Iyan mettas nga batu nga nitemsit ngas dito nangpatdec, nagbalin met nga itu ya kangrunaan nga panuli yin,” kunen na.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:6

Ket e̍ Je̍su Kristu, igina met ya uwed duwa nga pammanecnec nga nipasingen na ito inumbe̍t itun. Ket danum se̍ daga dito pammanecnec na. Bekken nas nga danum ya pammanecnec ne̍ Je̍sus, no di pe̍ daga. Ket ya Ispiritu Santu met pe̍ ya mangipanecnec iya pudnu maipanggep igina, ta agpudnu was met ya Ispiritu Santu.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.