Juan 16:12 - Ya Baru nga Tulag

¹² “Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita.

Juan 16:12 Iomraidhean Croise

Markus 4:33

Ket adu diya agten kadiyan nga pangpangngarig nga inusar ne̍ Je̍sus iya panangikasaba na iya kagi ne̍ Apu Diyus, sigun iya kabaellan diya toltoley nga maawatan.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 16:11

Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Aramid 1:3

Kalpasan nito pannakatey na, nagpaspasingen nge̍ Je̍sus igida ka unus eppat nga pulu nga algew, ket adu diya pammanecnec na tasun mapanecnekkan da nga tutu nga nagungarin. Nasingen da ngarud nge̍ Je̍sus, ket nilawlawag na igida ya maipanggep iya panangituray ne̍ Apu Diyus.