Juan 16:11 - Ya Baru nga Tulag

¹¹ Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.

Juan 16:11 Iomraidhean Croise

Matyu 12:18

“Igina yani ya eb-ebbonec, nga pinilic. Igina ya patpatgec nga pakaay-ayuwac. Ibon ku nad ya Ispirituc nga mangbulun igina, ket ipakaemmu na kadiya bekken nga Hudyu ya nalinteg nga panagkeddeng ku.

Matyu 12:36

“Ket pudnu met nga no timpu nad niya panangukum, sungbatan nad mettas diya toley diya tunggal nikagi dan nga awan sirsirbi na.

Lukas 10:18

Ket kinunen ne̍ Je̍sus igida, “Pudnu met yan, ta naimatangac met ya kellat nga pannakaidegsut ne̍ Satanas manipud ka langit, nga arig mettas nga panagsel-it.

Juan 12:31

Ta ita mettin ya panangrugi niya panangukum ne̍ Apu Diyus kadiya toley idi nga lubung. Ita met pe̍ yin ya timpu niya panangpatalew ne̍ Apu Diyus iya agituray idi nga lubung.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 16:12

“Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita.

Aramid 10:42

Ket nibilin pe̍ ne̍ Je̍sus nga mangikasaba kami kadiya toley, nga ipanecnec mi kanu nga sipapasnec nga e̍ Je̍sus, igina ya dinutukan ne̍ Apu Diyus nga mangikeddeng no nagan na ya pagtungpalan diya toley nga sibibiyag pekkem se̍ diya natey yin.

Aramid 24:25

Ket e̍ Pablu, nikaskasaba na ya maipanggep iya panagtungpal kadiya nalinteg se̍ iya panagtimbeng iya beggi, se̍ iya panangukum pe̍ ne̍ Apu Diyus nad mettas. Ket to Gube̍rnadur Pe̍lic, mansingin ito nikasaba ne̍ Pablu, itu nga kinunen na, “Kustu nan! Mame̍nsan nad manin, ta palbe̍ten naka manin no uwed nad wayac,” kunen na.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Ruma 16:20

Ket e̍ Apu Diyus nga mangpatalna dactida, ket dagus nga abaken na nge̍ Satanas, nga arig nga ipagudel na dakayu. Uwed kuma dakayu ya siaayat nga asi niya Apu tida nga Je̍sus.

Ruma 2:16

Ket sigun iya ikaskasabac nga Makaparagsac nga Damag, ukumen nad ngarud ne̍ Apu Diyus diya basbasul diya toley, gapu e̍ Kristu Je̍sus. Ket no iyan nad nga Timpu, itu nad met ya pannakaukum diya toltoley kadiya nalimed nga pangpanggep dan.

1 Kurintu 4:5

Ket iya agten iyan, madi kayu kuma nga mangpabasul ka toley yin iya orey nagan na, agingga nga madi pekkem madatngan ya kustu nga timpu na, nga itu ya umbe̍t manin niya Apu. Ta ya Apu, mangipawada nad kadiya nalimed nga winangwangel diya toley, se̍ mangilatac nad pe̍ kadiya pangpanggep diya toley nga di pekkem naemmuwan. Ket no iyan nga timpu, ipasingen nad ne̍ Apu Diyus ya tutu nga dayaw niya tunggal isa dactida, sigun iya panagtungpal tida.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

E̍pe̍su 2:2

Agten kayu ngarud iyan itun nga timpu, ta diya dake̍c nga gangey diya toley nga madi mamati e̍ Apu Diyus idi nga lubung, ket itu met diya winangwangel nu itun. Ta nagtungtungpal kayu itun iya agturay nga uwed pannakabalin na iya abac lawa. Itu met ya pannakabalin nga mangiturturay ita kadiya agsucsukir e̍ Apu Diyus.

Kulusas 2:15

Ket itu pe̍ to panangipac ne̍ Apu Diyus iya turay se̍ pannakabalin diya di mas-asingen. Ket e̍ Apu Diyus nga sibaballaigi, nipasingen na met pe̍ itun nga silalatac ya panangabac ne̍ Kristu igida.

He̍briyu 2:14

Ket gapu ta uwed kinatoley didi nga naibilang nga anac na, nagbalin met nge̍ Je̍sus nga agten pe̍ igida, ta naglak-am met pe̍ iya kasasaad niya kinatoley da. Agten iyan ya winangel na, tasun gapu iya pannakatey na, pirdiyen na ya pannakabalin niya diyablu, nga itu ya pakaigapuwan niya pannakatey.

He̍briyu 6:2

Se̍ madi tida pe̍ masapul nga adalen manin ya maipanggep kadiya nadumaduma nga al-alagaden maipanggep iya pannakadalus, winno ya panangipatey ka ima iya ulu niya maikararagan, se̍ ya panursuru maipanggep iya panagungar nad diya natey, se̍ ya panursuru maipanggep iya pannakaukum nga agnanayun ya dusa na.

He̍briyu 9:27

Ket no dactida nga toley, sigud nga naikeddeng nga matey tida ka mame̍nsan, ket kalpasan na, uwed pe̍ yin ya panangukum ne̍ Apu Diyus.

2 Pe̍dru 3:7

Ket gapu pe̍ iya kagi mettas ne̍ Apu Diyus, matungpal nad met pe̍ ya panggep na iya abac lawa se̍ lubung, ta mapooran da nad ngarud. Ngem tengtenglen pekkem mas ne̍ Apu Diyus yan nga panggep na agingga iya timpu niya panangukum se̍ panangpukaw na kadiya toley nga madi agdayaw igina.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.

Paltiing 1:7

Lemlemtan nu yani, ta umbe̍t manin nge̍ Je̍sus nga male̍cbut ka ulep. Ket masingen nad met niya tunggal isa nga toley, agraman dito nangdoyoc igina. Ket berritan nad met diya toltoley nga uwed kadiya amin nga pagpagiliyan iya lubung ngi. Matungpal met nga tutu yan. Agten iyan ngarudin!