Juan 16:10 - Ya Baru nga Tulag

¹⁰ Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin.

Juan 16:10 Iomraidhean Croise

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 16:5

“Ngem ita, pumanaw wac kun nga sumoli iya edyan niya nangibon iyaken. Ket dakayu, madi kayu met gabay nga emmuwen iyaken ya kapennac kun.

Juan 3:14

“Ket ya Anac nga Naipatoley, maibayug nad met nga arig mettas nga ito panangibayug nito Muyse̍s ito sinan-malaga enna away itun.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Aramid 17:31

Agbabawi tida kuma ngarudin, ta uwed lalaki nga nisaad ne̍ Apu Diyusin nga mangikeddeng iya pagbanagan diya amin nga toley iya lubung. Ket e̍ Apu Diyus, nalinteg nad nga tutu yan nga pangngeddeng na. Ket emmu na pe̍ no nungey nad ya pannakapasamac niyan, ta igina met ya nakin-keddeng. Ket emmu tida nga tutu diyan, ta ne̍cde̍ ne̍ Apu Diyus ya pammanecnec na dactida nga amin, ta pinagungar na mettin to nisaad na nga mangikeddeng nad mettas.” Itu yan to patingga nito kagi ne̍ Pablu itun.

Aramid 2:32

Maipanggep ngarud e̍ Je̍sus mettas dito kinagi nito Ari Dabid itun. Ket amin mi, masacsiyan mi nga pinagungar ngarud ne̍ Apu Diyus nge̍ Je̍sus.

Aramid 3:14

Ngem madi nu nipalubus nga pinaruwar ne̍ Pilatu nge̍ Je̍sus, orey igina ya nalinteg nga awan pagkurangan na iya imatang ne̍ Apu Diyus. Ket ya isa nga pumapatey nga gennung ya inun-unay nu nga nipairuwar e̍ Pilatu.

Aramid 7:52

Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey.

Ruma 1:17

Tutu met nga isalakan ne̍ Apu Diyus diya mamati, ta gapu iya Makaparagsac nga Damag, maipakaemmu ya panangpalinteg na iya toley. Ket idi nga pannakapalinteg, ket gapu ka panamati nga agbanag mettas pe̍ ka panamati manin. Agten mettas iyan ya naisurat iya Bibliya nga kunen na, “Diya naibilang nga nalinteg, agbiyag da nad nga situtured gapu iya panamati da.”

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

Galasiya 5:5

Ngem no dakami, namnamaen mi ya pannakaibilang mi nga nalinteg iya imatang ne̍ Apu Diyus gapu iya Ispiritu na. Itu nga sinanama kami gapu iya panamati mi.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.