Juan 15:7 - Ya Baru nga Tulag

⁷ Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 15:7 Iomraidhean Croise

Matyu 7:7

“No uwed masapul nu, agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 16:23

“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku.

Juan 8:31

Dikad pe̍ kinunen ngarud ne̍ Je̍sus kadito Hudyu nga namati igina, “Dakayu, no diya kagic ya pe̍yeng nu nga laglagipen, ket tutu kayu ngarud nga pasurut ku.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Galasiya 4:2

Ta paiturayan pekkem ya anac kadiya nakaipaaywanan na se̍ diya nakaitalkan na, patingga iya algew nga nikeddeng niya ama na nga panamet niya anac kadito tawid na.

Galasiya 5:16

Idi ya ibagac dakayu: Paiturayan kayu kuma iya Ispiritu ne̍ Apu Diyus, tasun madi kayu agtungpal kadiya dake̍c nga tarigagay niya kinatoley nu.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

1 Juan 2:14

Agsurat tac pe̍ dakayu nga am-ama, gapu ta em-emmu nun ya uwed nga pe̍yeng orey ito panangrugi niya amin. Agsurat tac pe̍ dakayu nga babagu, gapu ta nabileg ya panamati nu e̍ Apu Diyus, se̍ silalagip kayu iya kagi na nga uwed nga pe̍yeng dakayu, ket se̍ gapu ta inabac nun ya managdacdake̍c.

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.

1 Juan 5:14

Ket sinanama tida e̍ Apu Diyusin, ta emmu tida nga ipangag nactida iya orey nagan na nga adngen tida igina nga maitutup iya tarigagay na.