Juan 15:5 - Ya Baru nga Tulag

⁵ “Ngarud, iyaken ya arig nga kunungan niya lanut niya ubas, ket dakayu diya sangsanga na. Ya naisilpu iyaken, nakasilpu wac met pe̍ igina. Ket adu nad diya maibisic na nga nabaru, ta awan mawangel nu no di yas gapu iyaken.

Juan 15:5 Iomraidhean Croise

Matyu 13:21

Ngem gapu ta arig nga mula nga awan nauneg nga gamut na, bekken met nga napaut. Ta no uwed rigat winno pannakairurumen na gapu iya panamati na iya kagi ne̍ Apu Diyus, ket dagus met nga maiyaw-awanin.

Juan 12:24

Pudnu yani nga pangngarig nga ibagac dakayu: No ya isa nga bukel trigu, agingga nga maiterkag iya ginet, is-isa pekkem mas. Ngem no miterkag nga arig nga natey nga maitamen iya ginet, tumubu ngarud nga agbisic nad ka adu.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 5:19

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.

Juan 9:33

Itu nga no bekken nga gayat e̍ Apu Diyus tun nga nangpalaing iyaken, awan kuma mabalinan na nga agten idi,” kunen na.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

Ruma 12:5

Ket dactida nga mamati, agten tida pe̍ iyan, ta orey adu tida, ket makikamkameng tida e̍ Kristu nga arig nga is-isa tida nga beggi. Napagkakamang tida ngarud nga agten mettas kadiya nadumaduma nga parte̍ niya isa nga beggi toley.

Ruma 6:22

Ngem ita, nawayawayaan kayun iya pannakabalin niya basul. Ket arig nga nagbalin kayu nga tagabu ne̍ Apu Diyusin. Ket paglaingan nu yani, ta agpaay kayun kadiya nadiyusan nga banbanag, se̍ agbanag kayu pe̍ iya agnanayun nga biyag.

Ruma 7:4

Kakabsat ku, agten kayu met iyan nga pangngarig, ta awan turay niya Linteg nito Muyse̍s dakayun, gapu ta naibilang kayun nga natey yin. Ta ito nailansa ya beggi ne̍ Kristu ito krus, arig nga nairaman kayu nga natey pe̍ yin, no maipanggep iya turay niya Linteg dakayu. Dikad pe̍ nawayawayaan kayu nga makitipun iya sabali yin, nga itu nge̍ Kristu nga natey se̍ napagungar met itun. Agten iyan ngarud ya kasasaad tidan, tasun uwed kuma nabaru nga pagbanagan niya panagbiyag tidan nga agpaay e̍ Apu Diyus.

1 Kurintu 10:16

Ket itan, ipalagip ku dakayun ya banbanag niya ugali tida nga agtungpal ka panangilagip tida ito pannakatey ne̍ Kristu. Ket ya pananginum tida iya binasu nga mainum nga maikararagan e̍ Apu Diyus, itu yani ya panangipasingen tida nga nairaman tida iya pagbanagan nito pannakaidaga ne̍ Kristu. Ket agten pe̍ ya tinapay nga maibingay dactida, no mangan tida, itu met ya panangipasingen tida nga nairaman tida iya pagbanagan nito pannakaidatun niya beggi ne̍ Kristu.

1 Kurintu 12:12

Ta dactida nga toley ne̍ Kristu, maiyarig tida kadiya nadumaduma nga parte̍ niya isa nga beggi niya toley, ta orey adu diya parte̍ na, ket is-isa met nga beggi. Ket iya agten iyan pe̍, nakaiyarigan met ne̍ Kristu ya isa nga beggi.

1 Kurintu 12:27

Ket agten pe̍ iyan ya kasasaad nu, ta dakayu nga mamati, maiyarig kayu iya beggi ne̍ Kristu. Ket ya tunggal isa dakayu, maiyarig iya isa nga parte̍ niya beggi na.

2 Kurintu 13:8

Ngem bekken kami ngarud nga busid, ta masapul nga agpaay kami ngas iya pudnu, nga bekken nga iya busid.

2 Kurintu 9:10

Ket e̍ Apu Diyus, igina met ya paggayatan diya imula diya agmulmula, se̍ igina ya paggayatan diya kanen tida. Dikad pe̍ igina mettas pe̍ ya mange̍cde̍ kadiya masapul nu, se̍ ya mangpaadu pe̍ kadidi, tasun umadu ya nabaru nga pagbanagan diya nalinteg nga panagkaasi nu.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

E̍pe̍su 5:9

Ta ya patauden niya ugali niya isa nga uwed iya wada, itu ya amin nga kinabaru, kinalinteg se̍ kinapudnu.

Pilipus 1:11

Ket iya agten iyan, adu win diya nalinteg nga banbanag nga masingen dakayu gapu iya tulung ne̍ Je̍su Kristu, ket agbanag didi ka pakasingnan iya kinaDiyus se̍ kinadayaw ne̍ Apu Diyus.

Pilipus 4:13

Ta awan dumateng iyaken nga madic maitured gapu iya tulung niya mangpabileg iyaken.

Pilipus 4:17

Itu nga naragsakac ngarud. Ngem bekken nga diya e̍c-e̍cde̍ nu iyaken ya sapsapulec, no di lugud ya umad-adu diya masingen dakayu nga pagbalinan niya panamati nu.

Kulusas 1:10

Ket agten iyan ngarud ya ikarkararag mi, ta gabay mi no agbiyag kayu kuma nga tumutup iya Apu. Ta diyan nas makaay-ayu igina ya pe̍yeng nu nga wangwanglen kuma, ta agbanag kuma ka nabaru diya amin nga nadumaduma nga wangwanglen nu, se̍ umad-adu kuma pe̍ ya pannakaemmu nu maipanggep iya gangey ne̍ Apu Diyus.

Kulusas 1:6

Ket idi mettas nga Makaparagsac nga Damag nga naipakaemmu win dakayu, pe̍yeng nga agbanag ka nabaru kadiya amin nga edyan iya lubung. Ket umad-adu met pekkem pe̍ ya paglaingan na kadiya mamati, agten pe̍ dakayu, nanipud ito damu nga nagicna nu se̍ naawatan nu ya kinapudnu maipanggep iya siaayat nga asi ne̍ Apu Diyus.

Santiyagu 1:17

Ta no e̍ Apu Diyus, igina met ya paggayatan diya amin nga nabaru nga awan dake̍c na. E̍ Apu Diyus met ya namarsuwa kadiya mangwada iya abac lawa. Ngem igina, bekken nga agten kadiyan, ta awan pulus panagbaliw na, se̍ madi agbalin nga mange̍cde̍ ka gicbet.

1 Pe̍dru 2:4

Umadenni kayu kuma ngarudin iya Apu nga maiyarig ka sibibiyag nga batu. Ket idi nga batu, nitemsit ngas diya toley. Ngem iya panangibilang ne̍ Apu Diyus nga gennung, itu ya pinili na se̍ napateg igina.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!