Juan 15:25 - Ya Baru nga Tulag

²⁵ “Ngem agten iyan ngarudin, ta itu met ya pakatungpalan nito padtu nga naisurat iya Linteg da nga kunen na, ‘Ginura dac orey awan kustu nga gapu na.’

Juan 15:25 Iomraidhean Croise

Matyu 10:8

Palaingen nu diya agsakit, paungaren nu diya natey, paunayen nu diya agkutel, se̍ pagtalawen nu diya sairu kadiya maluganan. Ket didi nga naitalec dakayu, nae̍cde̍ da nga awan bayad na, itu nga madi kayu met agpabayad iya panangitulung nu kadidi.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Juan 10:34

Ngem kinunen ne̍ Je̍sus, “Malagip nu kuma to naisurat iya Linteg nu maipanggep kadito manglinteg itun, ito kinunen ne̍ Apu Diyus nga agten idi: ‘Naibilang nakayu pe̍ nga didiyus,’ kunen na met iya Linteg.

Juan 13:18

“Bekken nga dakayu nga amin ya kunec ita, ta mailasin nakayu nga pinilic. Ngem ya napaspasamac, ket tasun matungpal to padtu nga naisurat iya Bibliya nga kunen na, ‘Kinuntra nac met ya nakilanglang iyaken.’

Juan 19:36

Ta dito naariman itun, pakatungpalan ngarud nito padtu nga naisurat iya Bibliya nga kunen na, “Awan nad orey isa nga tulang na nga mactu,” kunen na iya Bibliya.

Ruma 3:19

Ket naemmuwan tida ngarudin nga diya bilbilin niya Linteg ne̍ Muyse̍s, naipaay da ngarud kadiya Hudyu, nga itu diya nabilin. Ket iya agten iyan, nabangun ya Linteg tasun orey nagan na nga toley, Hudyu man winno bekken nga Hudyu, awan rasun na iya panangukum ne̍ Apu Diyus igina. Nabangun pe̍ tasun maemmuwan ya nagbasulan diya amin nga toley iya lubung ngi.

Ruma 3:24

Ngem maibilang tida nga nalinteg iya imatang ne̍ Apu Diyus gapu was iya siaayat nga asi na, nga naisagut dactida gapu met ito panangwayawaya ne̍ Kristu Je̍sus dactida.

2 Kurintu 11:7

Ape̍? Basul aya to winangel ku ito madic nakitangdan dakayu ito panangisuruc dakayu iya Makaparagsac nga Damag nga paikagi ne̍ Apu Diyus? Bekken ngarud nga basul, ta nagpakumbaba ngac iya saad ku, tasun maipangatu kuma ya kasasaad nu iya imatang ne̍ Apu Diyus.

Galasiya 2:21

Ket no agten iyan ya panpanunut ku, madic ngarud iwacsi ya siaayat nga asi ne̍ Apu Diyus. Madic ngarud iwacsi, ta no mapalinteg kuma ya toley iya imatang ne̍ Apu Diyus gapu iya panangtungpal na iya Linteg ne̍ Muyse̍s, awan ngarud sirsirbi nito pannakatey ne̍ Kristu win.

2 Te̍salunika 3:8

Se̍ awan met inawat mi nga kasapulan mi nga di kami binayadan itun, no di lugud pe̍yeng kami nga nagwangel se̍ nagbannug orey algew se̍ gabi, tasun madi kami agbalin nga pakarigatan niya orey isa dakayu.

Paltiing 21:6

Ket kinunen na manin iyaken, “Natungpal ngarud diyan nga kagi yin! Iyaken met ya pangrugiyan se̍ ya panggibusan niya amin, ya pagtaudan se̍ ya pagtungpalan niya amin. Ket diya mewwew, painumec da iya danum niya ubbug nga mange̍cde̍ ka biyag, nga awan bayad na.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.