Juan 15:24 - Ya Baru nga Tulag

²⁴ Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 15:24 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 21:32

Ta ito inumbe̍t to Juan nga Mammautisar nga nangisuru dakayu iya nalinteg nga ugali, ket madi kayu met pinati. Ngem dito agsingsingir ka buis se̍ dito huste̍s, pinati da met nga gennung to Juan. Ket orey nasingen nu itun nga namati didi, madi kayu met latta nagbabawi se̍ namati.”

Matyu 9:33

Ket ito napatalew to sairu win, makakagi mettin to lalaki. Ket nasdaaw met diya toltoley nga nakasingen idi, nga kinunen da, “Awan pekkem agten idi nga nas-asingen tida idi nga Israe̍l itun,” kunen da.

Markus 2:12

Ket bimangun ngarud to lugpi, ket sigida met nga binacrun na to ida na, se̍ rinumwarin. Ket amin da, nasingen da met yan, itu nga nasdaaw da ngarud nga amin. Ket nidaydayaw da nge̍ Apu Diyus, nga kinunen da, “Awan pekkem agten idi nga nas-asingen tida itun!” kunen da.

Lukas 24:19

Ket kinunen met latta ne̍ Je̍sus igida, “Ape̍? Nagan kad niyan?” kunen na. Ket simungbat da manin igina nga kinunen da, “Maipanggep ngarud kadiya amin nga napasamac ito Je̍sus nga iNasare̍t, itu ya sapsaput mi. Mammadtu met to Je̍sus, ket nabileg ya pannakabalin na nga nasingen kadiya winangel na se̍ kinagi na, bekken nas nga iya imatang diya toltoley, no di pe̍ iya imatang ne̍ Apu Diyus.

Juan 10:32

Ket e̍ Je̍sus, kinunen na igida, “Adu diya nabaru nga winangel ku nga nipawangel niya Ama iyaken. Nagan kadiyan nga winangel ku ya pangdampagan nu iyaken?” kunen na.

Juan 10:37

“Ngarud, no tutu kuma nga bekken nga diya ipawangel niya Amac ya wangwanglec, kustu met no di dac patiyen.

Juan 12:10

Itu nga dito pangpangulu dito agsirsirbi iya Te̍mplu, nagtutulag da nga patayen da kanu pe̍ nge̍ Lasaru.

Juan 12:45

Ket ya makasingen iyaken, masingen na met pe̍ ya nangibon iyaken.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 15:21

Ngarud, gapu ta toley nakayu, arimanen da nad ngarud diyan nga pakarigatan nu, ta madi da met em-emmu ya nangibon iyaken.

Juan 15:22

“No madi yac kuma inumbe̍t nga nangisuru igida, mabalin nga awan maibilang nga pakabasulan da. Ngem ita, awan ngarud pambar da iya basul dan,

Juan 15:23

ta ya gumura iyaken, ket ya Amac met pe̍ ya guraen na.

Juan 16:9

Ipakaemmu na ngarud igida ya maipanggep iya basul, gapu ta madi da met gabay ya mamati iyaken.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 6:36

Ngem agten ngarud ito kunec dakayu, ta orey nasingen nun dito pagilasinan nga inar-ariman ku, madi kayu met latta mamati.

Juan 7:31

Ket dito toltoley nga naggigicna igina, adu da nga namati igina, nga kinunen da iya panagtetebbar da, “Awan met sabali nga Kristu nga naikari nga ibon ne̍ Apu Diyus, no di yas igina. Ta awan ngarud makaparis kadiya nakaskasdaaw nga pagilasinan nga inar-ariman nidi nga toley,” kunen da.

Juan 9:32

Orey manipud ito pannakaparsuwa niya lubung, awan pekkem nadamag tida nga namagbalin nga makasingen diya mata niya toley nga naiyanac nga kulap.

Juan 9:41

Ket kinunen ne̍ Je̍sus igida, “No kulap kayu kuma nga tutu, mabalin nga awan pakabasulan nu. Ngem gapu ta kunen nu met nga makasingen kayu, naibilang ngarud nga uwed pekkem dakayu ya kargu nu,” kunen na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 2:22

Ket nituluy ne̍ Pe̍dru to panagpalawag na nga kinunen na, “Kapadpadac nga Israe̍lita, denggen nu kuma ya ibagac. No maipanggep e̍ Je̍sus nga iNasare̍t, nipakaemmu ne̍ Apu Diyus dactida ya nakaibonan na, ta uwed nipasingen na dakayu nga nakaskasdaaw, se̍ milagru se̍ pagilasinan. Ngem emmu nu diyanin, ta nasingen nu met dito nipawangel ne̍ Apu Diyus e̍ Je̍sus itun iya imatang nu mettas.

Ruma 1:30

Mamadpadake̍c da, guraen da pe̍ nge̍ Apu Diyus, naalas, natangsit, se̍ napasindayaw da. Nalaing da nga agparnuway kadiya pagbasulan da, se̍ agsukir da pe̍ kadiya naganac igida.

2 Timutyu 3:4

Mangliliput da kadiya kabulun da, ket awan anyaman igida niya pagtungpalan niya wangwanglen da. Napalaus nad met pe̍ ya panagpasindayaw da. Ket ya pagragsakan da, napatpateg nad met igida ngem iya panangipateg da e̍ Apu Diyus.

Santiyagu 4:4

Bekken kayu met nga maikari nga matalec kin, ta pinanawan nu ya isusurut nu e̍ Apu Diyusin! Madi kayu kad emmu nga maikuntra kayu e̍ Apu Diyus no patgen nu ya ugali diya di mamati igina? Dikad pe̍ no patgen nu ya kinadake̍c diya di mamati idi nga lubung, agbalin nga kagura nu nge̍ Apu Diyus.