Juan 15:21 - Ya Baru nga Tulag

²¹ Ngarud, gapu ta toley nakayu, arimanen da nad ngarud diyan nga pakarigatan nu, ta madi da met em-emmu ya nangibon iyaken.

Juan 15:21 Iomraidhean Croise

Matyu 10:18

Ket gapu iyaken, maisangu kayu nad kadiya agtuturay se̍ ar-ari. Ket itu nad ya gundaway nun nga mangipakaemmu igida se̍ kadiya bekken nga Hudyu, maipanggep iyaken.

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 10:39

Ket ya mangipaidam iya biyag na, mapukaw nad mettas igina ya kaipapennan niya biyag na. Ket ya mangipalikud nga gennung iya panangipateg na iya biyag na gapu iyaken, masmac na nad ya kaipapennan niya biyag na.”

Matyu 24:9

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken.

Matyu 5:11

“Dakayu nga maumsi winno mairurumen, winno mapadpadake̍c ka kumpurmi gapu iya panagtungpal nu iyaken, ket maibilang kayu met nga nagasat.

Markus 13:13

Ket dakayu, guraen dakayu nad pe̍ diya amin nga toltoley, gapu mettas iyaken. Ngem maisalakan nad met ya makaitured kadiyan agingga iya panagpatingga da.”

Lukas 21:12

“Ngem sacbay nga mapasamac diyan, tacmen dakayu diya toltoley, ket irurumen dakayu nad pe̍. Ta iyawat dakayu nad kadiya pangpangulu diya gigimungan, se̍ paibalud dakayu nad pe̍. Ket gapu mettas iyaken, maisangu kayu nad kadiya ar-ari se̍ agtuturay.

Lukas 21:17

Ngarud, gapu mettas iyaken, guraen dakayu nad diya amin nga toltoley.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Juan 15:24

Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 16:3

Agten kadiyan ngarud ya wanglen da nad dakayu, ta madi da met em-emmu ya Ama winno iyaken.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

Juan 8:54

Ket kinunen ne̍ Je̍sus, “No ya mismu nga beggic ya idaydayaw ku, ket awan met nga tutu sirsirbi niya pannakaidayaw ku. Ngem ya kinapudnu na, ya Amac ya mangipadayaw iyaken. Ket igina mettas ya kunen nu nga Diyus nu.

Juan 8:55

Ket dakayu, madi kayu em-emmu ya Amac. Ngem iyaken, em-emmuc met. Ket no kunec nga madic em-emmu, agbusid dac met nga agten dakayu. Ngem em-emmuc met. Ket ya kagi na, itu ngarud ya tungtungpalec.

Aramid 17:23

Ta ito pinaspasyar ku ya ili nu wi, binbintaac dito pagkarkararagan nu kadiya didiyusen nu. Ket uwed pe̍ naaskurac nga isa nga pagdatunan nu nga nasuratan ka kunen na nga, ‘Maipaay iya diyus nga di kami em-emmu,’ kunen na. Ket yan mettas nga diyus nga daydayawen nu nga kunen nu nga di kayu em-emmu, igina ngarud ya ipakaemmuc dakayu itan.

Aramid 26:9

“Orey iyaken pe̍ itun, ta nipagarup ku pe̍ no pagrebngac ya mangkuntra iya kinaturay ne̍ Je̍sus nga iNasare̍t.

Aramid 3:17

“Ngem to winangel nu e̍ Je̍sus itun, kakabsat, emmuc met nga gapu ta madi kayu naawatan itun, agten pe̍ kadito pangpangulu nu.

Aramid 4:17

Itu nga panpansingen tida da ngasin, tasun madi da kuma agibagbaga ka maipanggep iya kinaturay nito Je̍susin, se̍ tasun awan makagkagicna iya maipanggep iginan, orey nagan na nga toley yin,” kunen da.

Aramid 5:41

Ket siraragsac nga pimanaw dito apustule̍s ito mimitingan diya kunse̍hale̍s, ta emmu da nga gapu mettas iya winangwangel da maipanggep iya kinaturay ne̍ Je̍sus, nibilang ne̍ Apu Diyus da nga maikari nga aglak-am iyan nga pakaiyal-alyewwan da.

Aramid 9:14

Ket ita kanun, dakami idi nin nga umapu ikew, tiliwen nakami kanu pe̍, ta uwed kanu igina ya pammalubus dito pangpangulu diya agsirsirbi iya Te̍mplu,” kunen na.

Aramid 9:16

Ket ipakaemmuc nad pe̍ igina diya napalaus nga rigrigat nga mapasamac nad igina gapu iya panagsirbi na iyaken,” kunen niya Apu e̍ Ananyas.

Ruma 1:28

Ket gapu ta madi gabay dito toley nga laglagipen ya kinapudnu maipanggep e̍ Apu Diyusin, nipamoya ngas ne̍ Apu Diyus da tasun naalas ngas ya panpanunut da, se̍ tasun ya dake̍c met ya wangwanglen da, nga bekken nga ya kustu.

1 Kurintu 15:34

Ket babawiyen nu lugudin diya bekken nga kustu nga panpanunut nu, tasun agpaay kayu kadiya nalinteg gin, se̍ ipac nun ya panagbasbasul nu. Ta uwed da met dakayu diya di pekkem makaawat maipanggep e̍ Apu Diyus, ket pakaiyal-alyewwan nu met yan.

1 Kurintu 2:8

Ket diya agtuturay idi nga lubung, pulus nga madi da nakaawat itun idi nga kinasirib. Ta no naemmuwan da kuma, di da kuma nipailansa ya kadayawan nga Apu ito krus.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

3 Juan 1:7

Tulungam da kuma ngarud, ta nigagara didi ya mangipakaemmu maipanggep iya kinaturay ne̍ Je̍sus, nga awan met pe̍ naawat da nga tulung nga gayat kadiya bekken nga mamati.

Paltiing 2:3

Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.