Juan 15:20 - Ya Baru nga Tulag

²⁰ Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 15:20 Iomraidhean Croise

Matyu 10:24

“Emmu nu nga ya agad-adal, bekken met nga nangatngatu ngem iya mangisursuru igina. Agten pe̍ ya tagabu, bekken met nga nangatngatu ngem iya amu na.

Markus 10:39

Ket kinunen da e̍ Je̍sus, “Kabaellan mi met, a,” kunen da. Ket kinunen ne̍ Je̍sus igida, “Ngarud, mairaman kayu nad nga tutu iya rigat nga arig nga inumec, se̍ aglak-am kayu nad met pe̍ iya arig nga pakabautisarac.

Lukas 2:34

Ket nikararagan ne̍ Simyun da, ket kinunen na e̍ Marya nga ina nito ebbing, “Ngarud, naipaay met yani nga ebbing nga pakaipaseggeddan se̍ pakaipangatuwan diya adu nga toley idi nga Israe̍l. Ket igina pe̍ ya naipaay nga pagilasinan nga kunkuntraen nad diya toley.

Lukas 6:40

Agten pe̍ ya agad-adal, ket bekken met nga nangatngatu ngem iya mangisursuru igina. Ngem no maadal nan diya amin nga naisuru igina, agbalin nad nga agten mettasin iya nangisursuru igina,” kunen na.

Juan 10:31

Ket dito Hudyu, pimidit da manin ka batu nga pangdampag da kuma e̍ Je̍sus.

Juan 11:57

Agten kadiyan ngarud diya sinapsaput da, ta dito pangpangulu dito agsirsirbi iya Te̍mplu se̍ dito Parisiyu, nibilin da kadiya toltoley nga no uwed makaemmu iya edyan ne̍ Je̍sus, ipakaemmu na kanu igida, tasun tacmen da.

Juan 13:16

Agten iyan kuma ngarud, ta pudnu met nga bekken nga nangatngatu ya tagabu ngem iya amu na. Ket iya agten iyan pe̍, bekken met nga nangatngatu ya naibon ngem iya nangibon igina.

Juan 5:16

Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 7:32

Ket naemmuwan itun dito Parisiyu nga agten iyan to nagaasasiman dito toltoley maipanggep e̍ Je̍sus. Itu nga igida se̍ dito pangpangulu diya agsirsirbi iya Te̍mplu, nangibon da kadiya guwardiya niya Te̍mplu ka mawe̍ mangtekkem igina.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Juan 8:52

Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

Juan 8:59

Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

1 Kurintu 4:12

Agbannug kami nga agwangwangel tasun uwed pagbiyag mi. No ilunud dakami diya toley, ikarkararag mi ngas da. Ket iturtured mi ngas pe̍ ya panangirurumen da dakamin.

2 Kurintu 4:9

Mairurumen kami pe̍ no duduma, ngem orey a, ta madi nakami nga baybay-an nge̍ Apu Diyus. Pasaray makabkabil kami, ngem agbiyag kami pekkem.

1 Te̍salunika 2:15

Ket dito Hudyu ka Hudya, igida met dito nangipapatey e̍ Apu Je̍sus se̍ orey dito mammadtu itun. Ket pinagtalew dakami met pe̍, se̍ pacpaungten da pe̍ nge̍ Apu Diyus, se̍ kakuntra da met amin nga toley.

2 Timutyu 3:12

Ngarud, bekken nas nga iyaken ya mairurumen, no di pe̍ diya amin nga mayat nga mangay-ayu e̍ Apu Diyus gapu iya panagbiyag da sigun iya pannakaitipun da e̍ Kristu Je̍sus.