Juan 15:2 - Ya Baru nga Tulag

² Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Juan 15:2 Iomraidhean Croise

Matyu 13:12

Ta ya toley nga uwed pannakaawat nan, madgaan pekkem, tasun nawadwad ya naipakaawat igina. Ngem ya awan pannakaawat na, maipac met igina orey diya pagpagarupen na nga maawatan na.

Matyu 13:33

Uwed manin isa nga pangngarig nga inistorya ne̍ Je̍sus igida, nga kinunen na, “Ya panangituray niya Nailangitan, maiyarig met iya pangpablad nga nimet niya isa nga babey, nga nilauc na ka sangapulu nga salup nga are̍na. Ket pinablad na met amin nga nakailaukan na.”

Matyu 15:13

Ket kinunen ne̍ Je̍sus igida, “Amin nga mula nga bekken nga nimula niya nailangitan nga Amac, mabagut nad mettas.

Matyu 21:19

Ket nakasingen itun ka kayu nga igus enna pingit niya dalan. Ket nawe̍ iya edyan nito kayu, ngem yan nas met eddon ya uwed ito kayu. Ket kinunen met ne̍ Je̍sus ito kayu, “Manipud ita, awan maibisic mun!” kunen na met. Ket dagus nga nacrit to kayu win.

Matyu 25:29

Ta ya toley nga adu ya uwed iginan, mae̍cdan nad pekkem, tasun nawadwad kuma ngin ya uwed igina. Ngem ya toley nga e̍teng ya uwed igina, maipac nad pekkem mas igina ya orey e̍teng ngas nga uwed iginan.

Matyu 3:10

Ngem ita, arig nga uwed met mailaylayat nga wasey yin nga maikelleng kadiya gamgamut diya kayu. Dikad pe̍ diya amin nga kayu nga madi mamisic ka nabaru, macleng da ngarud, se̍ maitemsit da iya apuy.

Matyu 3:12

Ta arig met nga ic-icman nan ya pagsap na ka in-gikan, ket urnungen na nad ya in-gikan na, se̍ na italipen iya alangin. Ngem ya essap nga gennung, ipoor na met ka apuy nga di pulus nga makusep,” kunen na.

Matyu 7:19

Ket diya kayu nga madi makabisic ka napaw-is, macleng se̍ maitemsit ka apuy.

Markus 4:20

“Ket diya duduma nga toley, maiyarig da met iya napaw-is nga ginet nga nagdessagan diya duduma nga bukel nga naiwaris. Ta denggen da ngarud ya kagi ne̍ Apu Diyus, se̍ salimetmettan da. Ket arig da nga ginet nga maapitan ka mula nga mamisic ka tellu nga pulu, winno ennem nga pulu, se̍ uwed da met pe̍ mamisic ka sangagasut,” kunen na.

Lukas 8:13

Ket dito bukel nga nagdessag ito ginet nga uwed pinas iya uneg na, itu diya maiyarig kadiya toley nga makagicna iya kagi ne̍ Apu Diyus, ket awaten da nga siaanggem. Ngem gapu ta arig da nga mula nga awan nauneg nga gamut da, nalaka da nga mamati iya damu, ngem dagus da nga aglikud no uwed pakasulisugan da.

Juan 15:1

Ket kinunen ne̍ Je̍sus manin, “Iyaken ya maiyarig iya pudnu nga kunungan niya lanut niya ubas. Ket ya Amac, igina ya agay-aywan kadiya mulmula.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 15:3

“Ket dakayu, nadalusan kayun gapu kadiya kagic dakayu.

Juan 15:6

Ket ya madi manglaglagip iyaken, maitemsit ngas nga arig mettas nga isa nga sanga, ket macrit nad ngarudin. Ket diya agten iyan nga sanga, urnungen diya toley, se̍ da ngas itemsit iya apuy, ket mapooran da ngarudin.

Juan 15:8

Ta pakaidayawan niya Amac ya panamisic nu ka adu gapu iya panamati nu. Ket itu pe̍ ya panangipasingen nu nga tutu kayu nga pasurut ku.

Juan 17:12

Bayat niya kauwed ku igida, iyaken ya nangaywan igida gapu iya turay mu nga nitalec mu iyaken. Ngarud, nislaanac da, ket awan igida ya napukaw ku, malacsid to isa, nga igina ya agpaay ka pannakapukaw, ta itu ya pakatungpalan nito naisurat iya Bibliya itun pekkem.

Ruma 11:17

Ket diya Hudyu, maiyarig da iya isa nga naimula nga kayu ulibu nga naseple̍ng diya duduma nga sanga na. Ket dakayu nga bekken nga Hudyu, arig kayu met nga sanga niya isa nga atap nga kayu ulibu. Ket arig nga naisilpu kayu iya nakaseple̍ngan nito sanga nito naimula nga ulibu, tasun mairaman kayu pe̍ iya totec dito gamgamut na, nga itu ya mangpabileg iyan nga kayu.

Ruma 11:22

Ket iya agten iyan, maemmuwan tida met ya panangaasi ne̍ Apu Diyus se̍ ya panagunget na pe̍. Ta nipalak-am na ya unget na kadiya Hudyu nga madi mamati nga arig nga naiduclapin. Ngem no dakayu nga bekken nga Hudyu, kinaasiyan nakayu nga gennungin. Kaasiyan nakayu ngarud, no ituluy nu ya panangipateg nu iya panangaasi na. Ngem no madi kayun, ket ituwey nakayu met pe̍ iya kasasaad nu, nga maiyarig iya sanga nito kayu nga ulibu.

Ruma 8:28

Ket emmu tida met nga amin nga mapasamac dactida, pagbalinen ne̍ Apu Diyus nga nasirbi para dactida nga agayat igina se̍ napili gapu iya panggep na.

1 Kurintu 13:1

Ket orey no uwed kuma iyaken ya kabaellan nga agkagi kadiya nadumaduma nga pagkakagi diya toltoley se̍ orey ya pagkakagi kuma pe̍ diya anghe̍le̍s, ket no awan latta ayat ku, arig gac ngas met nga mapatpate̍ngte̍ng nga gensa, winno napagas nga mapat-e̍l nga landuc.

Titu 2:14

Igina met ya nangipalubus nga naidatun ya biyag na para dactida, tasun subbuten nactida iya turay diya amin nga kita niya kinadake̍c, se̍ tasun pagbalinen nactida nga kuwa na nga toley nga awanan basul, se̍ napasnec iya panagwangel ka nabaru.

He̍briyu 12:15

Agannad kayu ngarud tasun awan dakayu ya manglikud iya siaayat nga asi ne̍ Apu Diyus. Ket annadan nu pe̍ tasun awan kuma dakayu ya pakaigapuwan niya panagbasul, nga arig nga gamut niya kayu nga mange̍cde̍ ka nape̍t. Ta kaynun no makaalis pe̍ iya kaaduwan ya kinadake̍c niyan nga toley, nga mangriribuc igida.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.

Paltiing 3:19

Ket maemmuwam kuma nga balakadac se̍ palinteggec met diya ay-ayatec. Dikad pe̍ agpasnec ka kuma ngarud, ket ibabawi mun diya basbasul mu.