Juan 15:19 - Ya Baru nga Tulag

¹⁹ No kamkameng nu da kuma, magustuwan da kayu ngarud, ta maibilang kayu ngamin nga kamkameng da. Ngem gapu ta pinili nakayu iyaken nga maidumduma kadiya madi mamati nga uwed idi nga lubung, bekken kayu ngarud nga ilubungin. Itu nga kagura nakayu diya uwed iya lubung.

Juan 15:19 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 24:9

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken.

Lukas 6:32

“Ket no diyan nas toley nga agayat dakayu ya ayaten nu, nagan ngarud ya pakaidayawan nu gapu iyan? Ta orey diya managbasul, ayaten da met pe̍ diya agayat igida.

Juan 13:18

“Bekken nga dakayu nga amin ya kunec ita, ta mailasin nakayu nga pinilic. Ngem ya napaspasamac, ket tasun matungpal to padtu nga naisurat iya Bibliya nga kunen na, ‘Kinuntra nac met ya nakilanglang iyaken.’

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 6:70

Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na.

Santiyagu 4:4

Bekken kayu met nga maikari nga matalec kin, ta pinanawan nu ya isusurut nu e̍ Apu Diyusin! Madi kayu kad emmu nga maikuntra kayu e̍ Apu Diyus no patgen nu ya ugali diya di mamati igina? Dikad pe̍ no patgen nu ya kinadake̍c diya di mamati idi nga lubung, agbalin nga kagura nu nge̍ Apu Diyus.

1 Pe̍dru 4:3

Ta itun, adu ya pinirdi nu nga timpu nun, nga agwangwangel kadiya agten mettas nga wangwanglen diya madi mamati e̍ Apu Diyus. Ta nabayag kayu itun nga nagbibiyag ka biyag nga awan panagtimbeng kadiya dake̍c nga tarigagay diya beggi nu se̍ ya panangtungpal nu kadiya ricricna diya beggi nu. Nagwangwangel kayu ka naalas itun, se̍ naglablabes ya panagragragsac nu, se̍ nage̍e̍nglew kayu pe̍. Se̍ inariman nu pe̍ ya niparit ne̍ Apu Diyus, ta nagdaydayaw kayu kadiya didiyusen.

1 Juan 3:12

Bekken tida kuma nga agten ito Kain nga kameng niya diyablu nga managdacdake̍c. To Kain, pinatey na met to adi na itun. Ta dito wangwangel nito adi na, ket nalinteg. Ngem dito wangwangel ne̍ Kain nga gennung, dake̍c met. Itu ya gapu na nga pinatey na to adi na.

Paltiing 12:17

Ket nakaunget ngarudin to dragun ito babey. Itu nga nawe̍ na ginubat diya duduma pekkem nga an-anac nito babey, nga igida diya agtungtungpal kadiya bilbilin ne̍ Apu Diyus se̍ mangipatpateg iya pudnu nga nipakaemmu ne̍ Je̍sus.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.