Juan 15:18 - Ya Baru nga Tulag

¹⁸ Ket kinunen pe̍ ne̍ Je̍sus, “No guraen nakayu diya bekken nga mamati iyaken, laglagipen nu was nga iyaken met ya nona nga ginura da.

Juan 15:18 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 24:9

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken.

Matyu 5:11

“Dakayu nga maumsi winno mairurumen, winno mapadpadake̍c ka kumpurmi gapu iya panagtungpal nu iyaken, ket maibilang kayu met nga nagasat.

Markus 13:13

Ket dakayu, guraen dakayu nad pe̍ diya amin nga toltoley, gapu mettas iyaken. Ngem maisalakan nad met ya makaitured kadiyan agingga iya panagpatingga da.”

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Juan 16:1

“Nibagac diyan dakayun tasun awan nad kuma pakakumsaan nu gapu kadiya mapasamac dakayu.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 3:20

Ta diya amin nga agwangwangel ka dake̍c, kagura da met ya wada. Ket madi da umadenni iya wada, ta madi da gabay nga maipasingen diya dake̍c nga wangwanglen da.

Juan 7:7

Bekken kayu nga magura kadiya toltoley idi nga lubung. Ngem no iyaken, guraen dac met, gapu ta ipacpakaemmuc nga dake̍c diya wangwangel da.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

Santiyagu 4:4

Bekken kayu met nga maikari nga matalec kin, ta pinanawan nu ya isusurut nu e̍ Apu Diyusin! Madi kayu kad emmu nga maikuntra kayu e̍ Apu Diyus no patgen nu ya ugali diya di mamati igina? Dikad pe̍ no patgen nu ya kinadake̍c diya di mamati idi nga lubung, agbalin nga kagura nu nge̍ Apu Diyus.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:13

Dikad pe̍ kakabsat, madi kayu kuma nga masikuran no gumura dakayu diya madi mamati nga uwed idi nga lubung.

1 Juan 3:3

Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.