Juan 15:16 - Ya Baru nga Tulag

¹⁶ Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 15:16 Iomraidhean Croise

Matyu 21:22

Se̍ orey nagan na nga adngen nu nga sipapati iya kararag nu, ket maalac nu nga tutu,” kunen na.

Matyu 7:7

“No uwed masapul nu, agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Lukas 6:13

Ket ito kadamlag na, inayaban na dito pasurut na, ket pimili ka sangapulu ket duwa igida. Ket itu dito toley nga inawagan na nga apustule̍s.

Juan 13:18

“Bekken nga dakayu nga amin ya kunec ita, ta mailasin nakayu nga pinilic. Ngem ya napaspasamac, ket tasun matungpal to padtu nga naisurat iya Bibliya nga kunen na, ‘Kinuntra nac met ya nakilanglang iyaken.’

Juan 15:19

No kamkameng nu da kuma, magustuwan da kayu ngarud, ta maibilang kayu ngamin nga kamkameng da. Ngem gapu ta pinili nakayu iyaken nga maidumduma kadiya madi mamati nga uwed idi nga lubung, bekken kayu ngarud nga ilubungin. Itu nga kagura nakayu diya uwed iya lubung.

Juan 15:5

“Ngarud, iyaken ya arig nga kunungan niya lanut niya ubas, ket dakayu diya sangsanga na. Ya naisilpu iyaken, nakasilpu wac met pe̍ igina. Ket adu nad diya maibisic na nga nabaru, ta awan mawangel nu no di yas gapu iyaken.

Juan 6:70

Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na.

Aramid 1:24

Dikad pe̍ nagkararag da nga kinunen da, “Apu, emmum met ya uwed iya lemlemmet diya amin nga toley. Itu nga ipakaemmum kuma no nagan kadidi nga duwa ya pinilim,

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 10:41

Nakisangu kami ngarud pe̍ igina nga nangan kalpasan nito panagungar na. Ngem bekken nga amin nga toley ya nakasingen e̍ Je̍sus itun, ta dito nakasingen igina, dakami ngas nga pinili ne̍ Apu Diyus nga mangipakaemmu iya pudnu maipanggep igina.

Aramid 22:14

Ket kinagi na iyaken, ‘E̍ Apu Diyus nga Diyus dito am-ama tida, pinili naka nga pangipakaemmuwan na iya panggep na. Ikew pe̍ ya isa nga pinili na nga makasingen se̍ makagicna iya nalinteg nga Anac na.

Aramid 9:15

Ngem kinunen niya Apu igina, “Mawe̍ ka lugudin, ta igina ya pinilic nga mangipakaemmu nad maipanggep iya kinaturay ku kadiya bekken nga Hudyu se̍ kadiya ar-ari da se̍ dakayu pe̍ nga Israe̍lita.

Ruma 1:13

Kakabsat, gabay ku nga maemmuwan nu kuma yani: Name̍n-adu win nga pinanggep ku ya umbe̍t sumacwar dakayu, ngem agingga ita, uwed met pekkem diya makatiped iyaken. Gabay ku ya umbe̍t iya edyan nu, tasun uwed kuma pe̍ nabaru nga pagbanagac iyan Ruma, agten mettas iya pagbanagac kadiya pada nu nga bekken nga Hudyu nga uwed kadiya duduma nga pagiliyan nga napennac.

Ruma 1:5

Ket gapu igina, se̍ tasun madayaw ya kinaturay na, nipaay ne̍ Apu Diyus nga siaayat ya saad nga kinaapustul. Nipaay na ngarud iyaken, tasun mangipadamag gac iya maipanggep iya panamati igina kadiya bekken nga Hudyu kadiya amin nga il-ili, tasun sumurut da kuma igina.

Ruma 15:4

Ket emmu tida nga amin nga naisurat itun pekkem iya Bibliya, ket maipaay da ngarud iya pakaadalan tida, nga mangpabileg iya namnama tida e̍ Apu Diyus. Ta gapu iya banag diya naisurat iya Bibliya, situtured tida nga aganus, se̍ maliwliwa tida pe̍.

Ruma 9:21

Madi ngarud mabalin ya agten iyan, ta ya kinapudnu na, uwed iya agduduwin ya turay nga mangusar iya ginet nga duwinen na, sigun iya gabay na nga pangusaran. Kaspagarigan no duwa ya duwinen na iya ginet nga usaren na, mabalin met no napaw-is nga unay ya pamaayen na iya isa, se̍ kadawyan nas ya pamaayen na iya isa.

1 Kurintu 10:11

Ket amin diyan nga napaspasamac igida itun, nagpaay da nga pakaemmu igida. Ket nipaisurat pe̍ ne̍ Apu Diyus diyan para dactida nga aglak-am idi nga timpu nga panungpalan diya timtimpu, tasun pakabagbagaan tida kuma ita.

Galasiya 1:15

Ngem orey ito di yac pekkem naiyanac, pinili nac kun nge̍ Apu Diyus gapu iya siaayat nga asi na, ket itu pe̍ ya gapu na nga nisaad nac nga agsirsirbi igina.

E̍pe̍su 2:10

Ta ya kinapudnu na, uwed din dactida nga mamati yan nga kasasaad tida, gapu ngas ito inariman ne̍ Apu Diyus. Ta niraman nactida iya kasasaad mettas ne̍ Kristu Je̍sus, tasun agpaay tida pe̍ iya panagwangel kadiya makaay-ayu igina. Itu met to panggep ne̍ Apu Diyus itun pekkem nga wangwanglen tida kuma ita.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 1:6

Ket idi mettas nga Makaparagsac nga Damag nga naipakaemmu win dakayu, pe̍yeng nga agbanag ka nabaru kadiya amin nga edyan iya lubung. Ket umad-adu met pekkem pe̍ ya paglaingan na kadiya mamati, agten pe̍ dakayu, nanipud ito damu nga nagicna nu se̍ naawatan nu ya kinapudnu maipanggep iya siaayat nga asi ne̍ Apu Diyus.

1 Timutyu 2:7

Ket itu pe̍ ya nakaibonac nga agapustul se̍ mangasaba nga mangisursuru kadiya bekken nga Hudyu iya pudnu maipanggep e̍ Kristu Je̍sus se̍ ya panamati igina. Tutu met yan nga kunec, ket bekken ku nga busbusid diyan!

2 Timutyu 1:11

Ket iyaken met ya pinili ne̍ Apu Diyus nga apustul nga mangikasaba se̍ mangisuru iyan nga Makaparagsac nga Damag.

2 Timutyu 2:2

Ket amin dito nagicnam nga nisuruc kadito adu nga naggigicna itun, ipakaemmum pe̍ yin nga italec kadiya toley nga mapagtalkan. Ket igida ya makabalin nga mangisuru nad pe̍ kadiya duduma.

Titu 1:5

Malagip mu ya gapu na nga nibati naka enna Kre̍ta itun. Nibati naka ennan tasun urnusem kuma ya kasasaad da ennan, ta uwed pekkem kurang na itun. Nibati naka pe̍ tasun mangdutuc ka ka panglakayen kadiya bungguy diya mamati iya tunggal ili ennan, sigun kadito nibilbilin ku ikew.

He̍briyu 11:4

Ket to Abe̍l, gapu ta uwed panamati na, napatpateg iya imatang ne̍ Apu Diyus to nidatun nito Abe̍l igina ngem ito nidatun nito Kain. Itu nga inannamungan ne̍ Apu Diyus to Abe̍l, nga nibilang na nga nalinteg. Ket nipakaemmu ne̍ Apu Diyus yani ito nipateg na to nidatun nito Abe̍l. Ket orey natey yin to Abe̍l, arig nga agkagkagi pekkem dactida gapu ka panamati, ta maadal tida pekkem ita gapu igina.

Santiyagu 3:18

Ngarud, no natanang nga mangpatunus ya isa nga toley kadiya kapada na, kinalinteg met ya pagbanagan niya pamaay na.

1 Pe̍dru 3:15

Ngem ya wangwanglen nu kuma nga gennung, lemlemtan nu nge̍ Kristu nga ipatpateg nu nga Apu. Se̍ pe̍yeng kayu kuma nga nakasagana nga mangipalawag no uwed agsaludsud maipanggep iya namnamaen nu gapu iya panamati nu. Ngem no agsungbat kayu igida, annadan nu kuma ya panagkagkagi nu, se̍ siraraem kayu kuma iya panagsungbat nu.

1 Pe̍dru 3:2

Ta maawis da ngarud nga mamati no masingen da ya kinaannad se̍ kinadalus niya panagbiyag nu.

1 Juan 4:10

Ket ya ayat nga kunec, bekken nga ya panagayat tida e̍ Apu Diyus, no di lugud ya panagayat ne̍ Apu Diyus dactida. Ta igina, nibon na met ya Anac na nga pakaudasan nga pakapakawanan diya basbasul tida.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.