Juan 15:15 - Ya Baru nga Tulag

¹⁵ Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 15:15 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Lukas 10:23

Ket kalpasan niyan, simangu nge̍ Je̍sus kadito adalan na, ket ig-igida ya nangibagaan na, nga kinunen na, “Nagasat kayu gapu kadiya masingsingen nu ita.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 13:16

Agten iyan kuma ngarud, ta pudnu met nga bekken nga nangatngatu ya tagabu ngem iya amu na. Ket iya agten iyan pe̍, bekken met nga nangatngatu ya naibon ngem iya nangibon igina.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 16:12

“Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita.

Juan 17:26

Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 20:17

Ket kinunen ne̍ Je̍sus igina, “Madi nac icman nga igapus a, ta madic pekkem simoli iya Ama. Mawe̍ ka ngas ipadamag kadiya kakabsat ku, nga sumoli yac kun iya Amac, nga itu pe̍ ya Ama nu, se̍ ya Diyus ku nga Diyus nu met pe̍,” kunen na.

Juan 4:19

Ket kinunen nito babey, “Ay, madlaw ku met apu, nga isa ka nga mammadtu.

Juan 8:26

Ket no maipanggep dakayu, adu ngarud ya makagic se̍ maipabasul ku. Ngem ya ipakaemmuc dakayu nga toley idi nga lubung, yan nas ipakagi niya nangibon iyaken. Ket napudnu ngarud met ya nangibon iyaken,” kunen na.

Aramid 20:27

Ta nagtured dac nga nangibaga dakayu iya amin nga panggep ne̍ Apu Diyus.

Ruma 7:15

Tutu met yan, ket masikuran nac mettin! Ta ya gabay ku nga wanglen kuma, madic met mawangel. Ngem diya kagurac nga wanglen kuma, itu met ya wangwanglec latta!

1 Kurintu 2:16

Ta agten mettas iya naisurat iya Bibliya nga kunen na, “Awan toley nga makaemmu iya uwed iya lemlemmet niya Apu, ket awan met pe̍ makabalin nga mangisuru igina,” kunen na. Ngem no dactida, uwed met dactida ya panpanunut ne̍ Kristu win.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

E̍pe̍su 1:9

inariman na ngarud to panggep na, se̍ nipakaemmu na pe̍ dactidan. Itu ya panggep na nga madi tida naawatan itun, nga nikeddeng na nga tungpalen, gapu e̍ Kristu sigun iya tarigagay na.

E̍pe̍su 3:5

Ket idi nga panggep na, bekken nga naipakaemmu kadiya toltoley kaditun nga timpu. Ngem ita, gapu iya Ispiritu ne̍ Apu Diyus, nipakaemmu ne̍ Apu Diyusin dakami nga apustule̍s se̍ mangaskasaba nga maipaay ngas igina.

Kulusas 1:26

Itu ya damag nga bekken pekkem nga naipakaemmu kadiya toltoley itun nga timpu. Ngem ita, naipakaemmu mettin kadiya toley na.

Pilimun 1:16

Ket itan, bekken mu was nga tagabu win, no di lugud napateg nga kabsat mu pe̍ yin ka pammati. Ket napateg nga unayin, nangruna iyaken, ket nangnangruna pekkem ikew. Ta bekken nas nga tagabum ita, no di pe̍ kabsat mu ka pammati iya Apu win.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

Santiyagu 2:23

Ket gapu pe̍ iyan, napatutuwan to naisurat iya Bibliya nga agten idi: “Pinati ne̍ Abraham to kunen ne̍ Apu Diyus. Ket gapu iya panamati na, nibilang ne̍ Apu Diyus nga nalinteg,” kunen na. Ket iya agten iyan, naawagan nge̍ Abraham ka gayyem ne̍ Apu Diyus.

1 Pe̍dru 1:11

Ginabay da ngarud nga emmuwen itun no nagan na se̍ no nungey nga mapasamac ya nipakaemmu niya Ispiritu ne̍ Kristu nga uwed igida, ito nipaipadtu na igida maipanggep iya pannakaparparigat ne̍ Kristu se̍ maipanggep iya pakaidayawan na kalpasan niya panagrigat na.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.