Juan 15:1 - Ya Baru nga Tulag

¹ Ket kinunen ne̍ Je̍sus manin, “Iyaken ya maiyarig iya pudnu nga kunungan niya lanut niya ubas. Ket ya Amac, igina ya agay-aywan kadiya mulmula.

Juan 15:1 Iomraidhean Croise

Matyu 15:13

Ket kinunen ne̍ Je̍sus igida, “Amin nga mula nga bekken nga nimula niya nailangitan nga Amac, mabagut nad mettas.

Matyu 20:1

“Tutu met yan, ta ya panangituray niya Nailangitan, ket agten idi nga pangngarig: Uwed isa nga makin-kuwa iya isa nga kaubasan, nga rinumwar iya nasapa pekkem nga agsapa, nga nawe̍ agsapul ka tangdanan na nga agwangel iya kaubasan na.

Matyu 21:33

“Denggen nu pe̍ yani nga pangngarig: Uwed isa nga akin-kuwa ka lapug. Nagmula yani ka adu nga ubas, se̍ na inalad to nagmulaan na, ket se̍ nagkorob pe̍ ka inariman na nga pagpespessan ka ubas. Nangipasikad pe̍ ka nangudu nga pagedyanan agbantay. Ket ito nalpas nan, nipasugpun na to kaubasan na kadiya agwangwangel ka laplapug, ket nawe̍ ka sabali nga ili yin.

Markus 12:1

Ket itun, nagpangngarig nge̍ Je̍sus nga kinunen na igida, “Uwed isa nga toley nga nagmula ka adu nga ubas. Inalad na to nagmulaan na, se̍ nagkorob pe̍ ka inariman na nga pagpespessan ka ubas. Nangipasikad pe̍ ka nangudu nga pagedyanan agbantay. Ket ito nalpas nan, nipasugpun na to kaubasan na kadiya agwangwangel ka laplapug, se̍ nawe̍ ka sabali nga ili yin.

Lukas 13:6

Ket nibaga ne̍ Je̍sus igida yani nga pangngarig: “Uwed mumulaan niya isa nga toley ka ubas. Ket uwed pe̍ iyan ya isa nga mula na nga kayu nga igus. Ket ito timpu nga panagbibisic igus, nawe̍ siningen nito toley no uwed bisic nan, ngem awan pulus nasmac na.

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 1:9

Ket ya pudnu nga maawagan ka wada, igina ya umbe̍t iya lubung ngi nga mangwada iya orey nagan na nga toley.

Juan 15:2

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Juan 6:32

Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit.

Juan 6:55

Ta pudnu nga pagbiyag ya beggic se̍ dagac.

Ruma 11:17

Ket diya Hudyu, maiyarig da iya isa nga naimula nga kayu ulibu nga naseple̍ng diya duduma nga sanga na. Ket dakayu nga bekken nga Hudyu, arig kayu met nga sanga niya isa nga atap nga kayu ulibu. Ket arig nga naisilpu kayu iya nakaseple̍ngan nito sanga nito naimula nga ulibu, tasun mairaman kayu pe̍ iya totec dito gamgamut na, nga itu ya mangpabileg iyan nga kayu.

1 Kurintu 3:9

Ta agpada kami met nga pagwangwanglen ne̍ Apu Diyus para dakayu. Ket dakayu, maiyarig kayu met iya mumulaan na. Ket maiyarig kayu pe̍ ka baley nga bangunen ne̍ Apu Diyus.

1 Juan 2:8

Ngem orey bekken nga kabarbaru yani nga bilin nga isurat ku dakayun, ket arig nga kabarbaru met dakayu. Ket nasingen met ya nabaru nga pagbanagan na ito panagbiyag ne̍ Je̍sus itun, se̍ masingen met pe̍ iya panagbiyag nu ita. Agten iyan nga tutu, ta arig nga agsirnac kin ya pudnu nga mangwada, ket agpucpukaw mettin ya gicbet.