Juan 14:9 - Ya Baru nga Tulag

⁹ Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 14:9 Iomraidhean Croise

Markus 9:19

Ket kinunen met ne̍ Je̍sus igida, “Ay, dakayu nga toley ita nga timpu! Ape̍ nga awan panamati nu? Masapul kad nga agedyan nac pekkem dakayu ka mabayag? Masapul kad nga mabayag pekkem ya panaganus ku dakayu? Ala, e̍lbe̍t nu ngarud iyaken ya ebbing!” kunen na.

Lukas 12:56

Ngem ape̍ nga aginsisirib kayu? Emmu nu met ya mangilasin iya langa niya abac lawa se̍ ya lubung ngi, ngem ape̍ ngarud nga madi kayu malasin ya banag niya agdama nga timpu?”

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 10:30

Ngarud, ya Ama se̍ iyaken, ket is-isa,” kunen na.

Juan 12:45

Ket ya makasingen iyaken, masingen na met pe̍ ya nangibon iyaken.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 14:7

No em-emmu dac kun, em-emmu nu met pe̍ yin ya Amac. Ket itan, em-emmu nu ngarudin ya Amac, ket arig nga nasingen nun,” kunen na.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

1 Kurintu 15:12

Ket ikasaba mi ngarud ya pannakapagungar ne̍ Kristu, ngem ape̍ kadi nga uwed met duduma dakayu nga agkunen nga madi kanu agungar diya natey?

Pilipus 2:6

Ta orey uwed igina ya kinaDiyus, madi na latta nipangpangruna nga siaagum ya pannakipada na e̍ Apu Diyus,

Kulusas 1:15

Ket ya Anac ne̍ Apu Diyus, igina met ya pakasingnan iya gangey niya madi masingen nga Diyus. Igina pe̍ ya Anac na nga kaonaan se̍ katurayan kadiya amin nga naparsuwa.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.