Juan 14:27 - Ya Baru nga Tulag

²⁷ “Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 14:27 Iomraidhean Croise

Matyu 10:26

“Dikad pe̍ madi kayu kuma ngarud mansing ka toley. Ta ya kinapudnu na, masapul nga maiparangarang nad diya amin nga palimed ita, se̍ maipakaemmu nad met diya amin nga madi naipadlaw ita.

Lukas 1:79

tasun mawadaan tidan, dactida nga arig nga agtugtugew iya gicbet, nga sidadanag iya umbe̍t nga pakatayan tida. Ket yan nga wada, itu win ya mangiturung dactida iya pagtalnaan tida,” kunen nito Sakaryas.

Lukas 10:5

“Ket no umuneg kayu iya isa nga baley, kumablaaw kayu nga mona, nga kunen nu, ‘Talna kuma ya uwed kadiya bumaley idi,’ kunen nu.

Lukas 12:4

Ket kinunen manin ne̍ Je̍sus, “Gagayyem ku, bekken kuma nga diya mabalin nga mangpatey ngas iya beggi ya kansing nu, ta beggi yas ya patingga niya mabalin da nga pirdiyen.

Lukas 2:14

“Madaydayaw nge̍ Apu Diyus nga uwed iya kangatuwan nga edyan. Ket idi nga lubung, uwed kuma talna kadiya toltoley nga pakaay-ayuwan na,” kunen da.

Juan 14:1

Kinunen manin ne̍ Je̍sus kadito adalan na, “Madi kayu kuma madanagan winno masicsikuran maipanggep iya ipapanaw ku, no di lugud mamati kayu e̍ Apu Diyus se̍ mamati kayu met pe̍ iyaken.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 20:19

Ito gumabi yin iyan mettas nga algew Duminggu, uwed dito adalan nga siuurnung iya isa nga edyan. Ket nalacweddan diya gagayangan niyan nga baley, gapu ta mansing da kadito pangpangulu diya Hudyu. Ket pagamwan da, inumbe̍t met nge̍ Je̍sus, nga gasisikadin ito nagtetengngaan da. Ket kinunen na ngarud igida, “Talna kuma ya uwed dakayu,” kunen na,

Juan 20:21

Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 20:26

Ket ito kalpasan makaduminggu, naguurnung manin dito adalan iya uneg niyan nga baley, ket kabulun da nge̍ Tumasin. Nalacweddan diya gagayangan, ngem inumbe̍t latta nge̍ Je̍sus, ket nagsikad manin iya nagtetengngaan da. Ket kinunen na, “Talna kuma ya uwed dakayu,” kunen na.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 18:9

Ket iya isa nga gabi itun, uwed nipasingen niya Apu e̍ Pablu iya parparmata na. Nasingen na ya Apu, ket kinunen niya Apu e̍ Pablu, “Madi ka mansing kadiya toley ennid, se̍ di ka sumardeng nga mangasaba.

Ruma 1:7

Itu nga isurat ku yani dakayu nga uwed ka Ruma, dakayu nga amin nga ay-ayaten se̍ pinili ne̍ Apu Diyus nga agbalin nga toley na nga naipaay igina. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

Ruma 15:13

Sapay kuma ta e̍ Apu Diyus nga paggayatan niya namnama tida, paragsaken nakayu kuma ka napalaus nga anggem se̍ talna, gapu iya panamati nu igina. Agten iyan kuma ngarud tasun dumacdackel ya namnama nu igina, gapu iya pannakabalin niya Ispiritu Santu nga uwed dakayu.

Ruma 5:1

Ket ita, gapu ta napalinteg tidan iya imatang ne̍ Apu Diyus gapu iya panamati tida, ket uwed met pannakaitunus tidan e̍ Apu Diyus gapu ito inariman niya Apu tida nga Je̍su Kristu.

Ruma 5:10

Ta gapu ito pannakatey niya Anac ne̍ Apu Diyus, naitunus tida e̍ Apu Diyusin, orey naikuntra tida pekkem igina itun. Ket itan, gapu ta naitunus tida iginan, di ngarud nasigsiguradu ya panagnamnama tidan iya pannakaisalakan tida, gapu iya biyag ne̍ Je̍su Kristu ita?

Ruma 8:6

Ket diya toley nga manglagip pekkem iya gabay niya kinatoley da, agbanag da ngarud ka pannakatey. Ngem diya manglagip iya gabay niya Ispiritu, agbanag da iya biyag se̍ talna nga ipaay ne̍ Apu Diyus.

1 Kurintu 1:3

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

Galasiya 1:3

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida, se̍ iya Apu tida nga Je̍su Kristu.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

Galasiya 6:16

Ket amin nga sumurut idi nga nibagbagac, uwed kuma igida ya talna se̍ asi nga ipaay ne̍ Apu Diyus kadiya ibilang na nga pudnu nga Israe̍lita nga toley na.

Pilipus 4:7

Ket no agten iyan ya pamaay nu, e̍cdan nakayu nge̍ Apu Diyus ka talna na nga nakaskasdaaw nga nalablabes pe̍ ngem iya pannakaawat toley. Ket idi nga talna, itu mettas ya mangaywan iya nakem se̍ panpanunut nu, gapu iya pannakaitipun nu e̍ Kristu Je̍sus.

Kulusas 1:2

Isurat mi yani dakayu nga toley ne̍ Apu Diyus iyan Kulusas nga sipapati nga kakabsat mi e̍ Kristu. Sapay kuma ta uwed dakayu ya siaayat nga asi se̍ talna nga gayat e̍ Apu Diyus nga Ama tida.

Kulusas 1:20

Ket ginabay pe̍ ne̍ Apu Diyus ya mangpaitunus igina mettas kadiya amin nga uwed idi nga lubung se̍ ka langit, gapu iya Anac na mettas. Ta uwed met nakaitunusan diya amin nga banbanag e̍ Apu Diyus gapu ito pannakaidaga niya beggi niya Anac na ito pannakatey na ito krus.

Kulusas 3:15

Ket ya talna nga tumaud e̍ Kristu, itu kuma ngarud ya ipateg nu nga pamaayen nu. Ta sangkabungguy kayu nga pinili ne̍ Apu Diyus nga pakaipaayan niyan nga talna. Ket siiiyaman kayu kuma ngarud nga pe̍yeng.

2 Te̍salunika 1:2

Sapay kuma ta uwed dakayu ya siaayat nga asi, se̍ talna, nga gayat e̍ Diyus Ama se̍ e̍ Apu Je̍su Kristu.

2 Te̍salunika 3:16

Sapay kuma ta ya Apu mettas nga paggayatan niya talna, e̍cdan nakayu kuma ka talna iya amin nga timpu se̍ iya amin nga kasasaad. Sapay kuma ta ya Apu ya uwed dakayu nga amin.

2 Timutyu 1:7

Ta bekken nga kinakapdog ya ne̍cde̍ ne̍ Apu Diyus dactida, no di lugud pannakabalin, kinamanagayat, se̍ kinanakem gapu iya Ispiritu Santu.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

He̍briyu 7:2

Ket to Abraham, ne̍cde̍ na met ito Me̍lkise̍de̍c ya apagkapullu nito amin nga inalac na kadito nakigubgubatan na itun. Ket ya nagan nga Me̍lkise̍de̍c, kagi He̍briyu, nga kayat na nga kagiyen, “Ari nga Mangpalinteg.” Ket to Me̍lkise̍de̍c, mabalin pe̍ nga maawagan ka “Ari nga Mangpatalna”, ta ya ili nga Sale̍m met to pagariyan na, ket “talna” ya kaipapennan niya kagi nga Sale̍m.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,

Paltiing 2:10

Ket madi ka latta madanagan iya orey nagan na nga pakaparigatan nga dumateng ikew. Tutu met nga sigiren naka ya diyablu iya di mabayag, ta paibalud na diya duduma dakayu. Agpaut nad ka unus sangapulu nga algew ya pakaparigatam. Ngem puminget ka lugud iya panamatim, orey pe̍ no agingga ka patey, ket balangatan nakayu ka biyag nga agnanayun.

Paltiing 21:8

Ngem dake̍c nad nga gennung ya pagbanagan diya mangiyalyew iyaken, se̍ diya madi mamati iyaken, se̍ diya narugit ya nakem da, se̍ diya pumapatey, se̍ diya makikamalala, se̍ diya makibiyang kadiya sacsairu winno iya panaggamut, se̍ diya agdaydayaw kadiya didiyusen, se̍ diya amin nga managbusid. Ta ya pagbanagan didi, ket maipisuc da nad ngarud ito dackel nga edyan niya gumilgilab nga apuy se̍ burbura nga asupre̍, nga itu ya maikadduwa nga pannakatey,” kunen na.