Juan 14:23 - Ya Baru nga Tulag

²³ Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 14:23 Iomraidhean Croise

Juan 10:30

Ngarud, ya Ama se̍ iyaken, ket is-isa,” kunen na.

Juan 14:15

Ket nituluy ne̍ Je̍sus, nga kinunen na, “No tutu nga ayaten dac, tungpalen nu ngarud diya bilin ku.

Juan 14:17

Ket igina met ya Ispiritu nga mangipakaemmu iya pudnu. Madi mabalin nga awaten diya bekken nga mamati yan nga Ispiritu, ta madi da malasin winno em-emmu. Ngem dakayu, em-emmu nu mettin, ta uwed dakayu, ket dakayu nad met ya pagedyanan na.

Juan 14:21

“Ket ya toley nga agtungpal kadiya bilin ku nga naisuru igina, itu ya toley nga pudnu ya panagayat na iyaken. Ket ya agayat iyaken, ayaten pe̍ niya Amac. Ket ayatec pe̍ ya agten iyan nga toley, se̍ ipakaemmuc nad igina ya kauwed ku igina,” kunen ne̍ Je̍sus.

Juan 14:24

Ngem ya madi agayat iyaken, madi ngarud agtungpal kadiya kagic. Ket ya kagic nga ipacpakaemmuc dakayu, bekken met nga tumaud iyaken, no di lugud tumaud iya Ama nga nangibon iyaken.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 16:27

Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina.

Juan 6:56

Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Juan 8:52

Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

2 Kurintu 6:16

Maiyarig pe̍ yani iya te̍mplu nga pagedyanan ne̍ Apu Diyus se̍ diya bulbultu. Ta diya bulbultu, bekken da met nga tumutup iya te̍mplu ne̍ Apu Diyus. Ket ya kinapudnu na, dactida met ya te̍mplu nga paged-edyanan niya sibibiyag nga Diyus! Itu met to nibaga ne̍ Apu Diyus itun nga kinunen na, “Igida nad ya pagedyanac, ket makibulubulun nac nad igidan. Ta iyaken nad ya daydayawen da nga Diyus da, ket igida ya ibilang ku nga toley ku,” kunen na.

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

1 Juan 2:24

Dikad pe̍ no dakayu, silalagip kayu kuma ngarud kadito naisuru dakayu, manipud ito damu nu pekkem nga mamati. Ta no pe̍yeng kayu nga silalagip kadiyan, pe̍yeng nu pe̍ nga laglagipen ya Anac se̍ ya Ama.

1 Juan 2:5

Ngem ya agtungtungpal nga gennung iya kagi ne̍ Apu Diyus, napaw-is nga tutu win ya pagbanagan niya panagayat ne̍ Apu Diyus igina. Ket agten idi ya pakaemmuwan tida nga kameng nactida nge̍ Apu Diyus:

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 5:3

Ta ya pudnu nga panagayat e̍ Apu Diyus, ket agten idi: Pudnu ya panagayat tida igina no tungpalen tida diya bilbilin na. Ket bekken met nga pumarigat dactida diya bilbilin na.

2 Juan 1:6

Ket agten idi ya panangipasingen tida iya panagayat tida: Maipasingen ya panagayat tida no agbiyag tida maikanatad kadiya bilbilin ne̍ Apu Diyus. Ket ya bilin nga naisuru dakayu manipud ito damu kayu nga mamati, ket agten idi: Silalagip kayu kuma iya bilin nga agiinnayat kayu.

Paltiing 21:22

Ket nadlaw ku nga awan met te̍mplu ito siyudad, ta e̍ Apu Diyus, nga Apu nga Mannakabalin ka amin, se̍ ya Urbun Karne̍ru, igida mettin ya pagdaydayawan antuni.

Paltiing 21:3

Ket nagicnac itun ya isa nga nabileg nga timec nga gayat ito trunu ka langit, nga kinunen na, “Kad yan! Uwed kadiya toltoley yin ya pagedyanan ne̍ Apu Diyus, ket makipagedyan met nge̍ Apu Diyus igidan. Ket iya agten iyan, igida nad ngarud diya toley ne̍ Apu Diyus. Ket e̍ Apu Diyus, makibulun mettas igida, ket igina ya Diyus da.

Paltiing 22:3

Ket awan nad pulus mailunud iya imatang ne̍ Apu Diyus antuni nin. Ket to trunu nga pagtugawan ne̍ Apu Diyus se̍ ya Urbun Karne̍ru, itu nga gennung ya uwed nad iyan nga siyudad. Ket diya agsirsirbi e̍ Apu Diyus, agdaydayaw da nad igina antuni.