Juan 14:20 - Ya Baru nga Tulag

²⁰ Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 14:20 Iomraidhean Croise

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 14:11

Mamati kayu kuma ngarudin idi nga ibagac nga naitipun nac iya Ama, se̍ naitipun met ya Ama iyaken. Ket no madi kayu gabay ya mamati gapu was kadiya kagkagic, mamati kayu kuma ngarud gapu kadiya winangel ku nga nasingen nun.

Juan 16:23

“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku.

Juan 16:26

Ket iyan nad nga timpu, dakayu ngarud ya agadeng igina gapu iya kinaturay ku. Ket madi nad masapulin nga iyaken ya agadeng igina ka para dakayu.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 17:26

Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 17:7

Ket ita, emmu da ngarudin nga gayat ikew nga tutu diya amin nga nitalec mu iyaken.

Juan 6:56

Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.

Ruma 16:7

Pakumustaac pe̍ de̍ Adruniku nge̍ Hunya nga padac nga Hudyu se̍ kabulun ku nga naibalud itun. Naibilang da met nga naraem kadiya apustule̍s, ket non-ona da pe̍ ngem iyaken nga namati e̍ Kristu.

Ruma 8:1

Dikad pe̍ dactida nga nairaman iya kasasaad ne̍ Kristu Je̍sus, awan pakaukuman tidan.

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

2 Kurintu 12:2

Ket agten idi to napasamac iyaken: Uwed emmuc nga toley nga isa nga makitiptipun e̍ Kristu. Ket yan nga toley, naipangatu met itun iya pagedyanan iya ngudu nga maawagan ka maikatlu nga langit. Napalabes ya sangapulu ket eppat nga dagunin nanipud ito napasamac yan. Madi yac emmu no sibebeggi nga naalac winno bekken yan nga toley itun. E̍ Apu Diyus ngas ya makaemmu.

2 Kurintu 13:5

Dakayu mettas kuma ya mangemmu iya lemlemmet nu no napudnu ya panamati nu e̍ Kristu. Ngarud, singen nu ya mismu nga panamati nu, ta laglagipen nu kuma met nga uwed mettas dakayu ya kinauwed ne̍ Je̍su Kristu, malacsid no busid ya panamati nu, a.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

2 Kurintu 5:19

Ket ya kayat mi nga kagiyen, agten idi: Ya panangitunus ne̍ Apu Diyus kadiya toley igina, ket gapu ito winangel ne̍ Kristu. Ket gapu ito winangel ne̍ Kristu, awan ibilang ne̍ Apu Diyus nga basul dan. Ket nitalec na pe̍ dakami ya panangisuru mi maipanggep iyan nga panangitunus na kadiya toley igina.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

E̍pe̍su 2:10

Ta ya kinapudnu na, uwed din dactida nga mamati yan nga kasasaad tida, gapu ngas ito inariman ne̍ Apu Diyus. Ta niraman nactida iya kasasaad mettas ne̍ Kristu Je̍sus, tasun agpaay tida pe̍ iya panagwangel kadiya makaay-ayu igina. Itu met to panggep ne̍ Apu Diyus itun pekkem nga wangwanglen tida kuma ita.

Kulusas 1:19

Ta ginabay ne̍ Apu Diyus nga uwed pe̍ iya Anac ya amin nga kinaDiyus na.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

Kulusas 2:9

Ngem ya kinapudnu na, ket ito panagbiyag ne̍ Kristu nga nagpaitoley, uwed mettas igina amin nga kinaDiyus ne̍ Apu Diyus.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.