Juan 14:2 - Ya Baru nga Tulag

² Enna edyan ne̍ Amac, adu ya pagedyanan, ket mawe̍ yac mangisagana ka pagedyanan nu. Tutu met yan, ta madic met ibaga dakayu no bekken nga pudnu.

Juan 14:2 Iomraidhean Croise

Lukas 14:22

“Ket iya di nabayag, uwed manin to tagabu, ket kinunen na, ‘Apu, natungpalin to bilin mu, ngem uwed pekkem mas pagyanan iya panganan,’ kunen na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 13:36

Ket e̍ Simon Pe̍dru, nagsaludsud e̍ Je̍sus nga kinunen na, “Awac kadi ya pennam, Apu?” kunen na. Ket kinunen ne̍ Je̍sus igina, “Madi ka mabalin ya mipuyut iyaken ita iya kapennac. Ngem sumarunu ka nad mettas,” kunen na.

Juan 14:28

“Malagip nu ngarud to kaibagbagac dakayu nga pumanaw wac nad, ngem sumoli yac nad mettas dakayu, kunec. Ket no pudnu ya panagayat nu iyaken, naragsakan kayu kuma, gapu ta mawe̍ yac ngarud iya pagedyanan niya Ama. Ket ya Ama, nangatngatu met ngem iyaken.

Juan 16:4

Tutu met nga mapasamac nad diyan, ngem nibagac dakayun tasun nad no dumateng da dakayu, malagip nu kuma nga nibagac dan dakayu. Madic nipakaemmu diyan dakayu ito damu, gapu ta uwed dac pekkem itun dakayu.”

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Aramid 9:16

Ket ipakaemmuc nad pe̍ igina diya napalaus nga rigrigat nga mapasamac nad igina gapu iya panagsirbi na iyaken,” kunen niya Apu e̍ Ananyas.

2 Kurintu 5:1

Ket madi kami ngarud makumsa kadiya pakarigrigatan mi. Ta emmu mi nga orey no matey tida, se̍ mapirdi didi nga beggi tida, nga arig ngas nga bawi diya biyag tida idi nga lubung, ket emmu mi ngarud nga sukatan nad ne̍ Apu Diyus ka madi matey nga beggi no uwed tida ka langitin. E̍ Apu Diyus mettas ya paggayatan niyan nga agnanayun nga beggi nga maiyarig ka baley nga bekken nga inariman toley.

1 Te̍salunika 5:9

Ta pinili nactida nge̍ Apu Diyus tasun agbalin tida nga maisalakan gapu iya Apu tida nga Je̍su Kristu, bekken met nga tasun agbalin tida nga maukum gapu iya unget na.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

He̍briyu 11:10

Ta to Abraham, namnamaen na ngamin ya ili nga nisagana se̍ binangun ne̍ Apu Diyus, nga uwed met nabaked nga pakabangunan na.

He̍briyu 13:14

Ta idi nga lubung, awan agnanayun nga ili tida. Ngem uwed met namnamaen tida nga ili tidan, nga datngen tida nad iya maadpangan.

He̍briyu 6:20

Ket itu pe̍ ya napennan ne̍ Je̍sus nga non-ona ngem dactida. Igina met ya nagbalin nga Kangatuwan nga Agsirsirbi nga mangibegbeggi dactida e̍ Apu Diyus ka agnanayun, nga agten mettas ito panagsirsirbi nito Me̍lkise̍de̍c itun.

He̍briyu 9:8

Ket nalawag ngarudin ya isuru niya Ispiritu Santu dactida maipanggep kadiyan nga banbanag, nga agten idi: Bayat niya kauwed pekkem nito makin-ruwar nga parte̍ nito pagdaydayawan idi nga lubung, madi pekkem naipakaemmu kadiya toltoley no kumaan niya makauneg da kuma iya pudnu nga Kasantuwan nga Edyan.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 21:2

Ket nasingec itun ya He̍rusale̍m nga siyudad nga ipatpateg ne̍ Apu Diyus, nga itu ya kabarbaru nga He̍rusale̍m. Ket agpaspasegged mettin yan nga siyudad manipud ka langit, nga gayat e̍ Apu Diyus. Ket naisagana nga napaw-isin to siyudad, nga arig met nga isa nga nubya nga nakakawwes ka napaw-is tasun maisabet iya nubyu na iya pakalun da.

Paltiing 3:12

“Ket diya maibilang nga mangabac, isaad ku nad nga maiyarig iya isa kadiya adigi niya te̍mplu niya Diyus ku. Ket diya agten iyan, madi da nad rumwarin, ket isurat ku nad igida ya nagan niya Diyus ku, se̍ ya nagan niya siyudad niya Diyus ku, nga itu ya kabarbaru nga He̍rusale̍m nga dumsag nad nga gayat ka langit, ta aggayat iya Diyus ku. Ket isurat ku nad pe̍ igida ya kabarbaru nga nagan ku.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.