Juan 14:19 - Ya Baru nga Tulag

¹⁹ Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:19 Iomraidhean Croise

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 12:35

Ket simungbat nge̍ Je̍sus nga kinunen na igida, “Iya di mabayag, awanin ya mangwada dakayu. Itu nga gawaan nu kuma ngarudin ya sumurut, ta uwed pekkem ita ya mangwada dakayu. Ngarud, gawaan nu, tasun madi nakayu makamakam ya gicbet. Ta ya manalan iya nagicbet, di na met mailasin ya pennan na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 16:16

Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.

Juan 16:22

Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 6:40

Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Juan 8:21

Ket iya agten iyan, kinunen manin ne̍ Je̍sus igida, “Pumanaw wac nad mettin, ket sapulen dac, ngem matey kayu was nad nga maukum gapu kadiya basbasul nu. Madi dac ngarud masmac, ta madi kayu met makapen iya kapennac,” kunen na.

Aramid 10:41

Nakisangu kami ngarud pe̍ igina nga nangan kalpasan nito panagungar na. Ngem bekken nga amin nga toley ya nakasingen e̍ Je̍sus itun, ta dito nakasingen igina, dakami ngas nga pinili ne̍ Apu Diyus nga mangipakaemmu iya pudnu maipanggep igina.

Ruma 5:10

Ta gapu ito pannakatey niya Anac ne̍ Apu Diyus, naitunus tida e̍ Apu Diyusin, orey naikuntra tida pekkem igina itun. Ket itan, gapu ta naitunus tida iginan, di ngarud nasigsiguradu ya panagnamnama tidan iya pannakaisalakan tida, gapu iya biyag ne̍ Je̍su Kristu ita?

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.

1 Kurintu 15:20

Ngem ya kinapudnu na, napagungar nga tutu nge̍ Kristu win. Ket to pannakapagungar na, maiyarig iya kaonaan nga nagani, ta igina ya pakaemmuwan tidan nga mapagungar ngarud met pe̍ diya duduma nga natey yin.

1 Kurintu 15:45

Ket ya agten iyan, maikanatad ito naisurat iya Bibliya nga kunen na, “E̍ Adan nga kaonaan nga toley, naparsuwa nga nae̍cdan ka biyag nga kinatoley,” kunen na. Ngem ya maawagan ka nodi nga Adan, igina ya Ispiritu nga mange̍cde̍ ka biyag nga agnanayun.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.