Juan 14:16 - Ya Baru nga Tulag

¹⁶ Ket agadeng ngac nad iya Ama, ket paibon ku igina ya sumukat nga Mamagbaga dakayu, tasun uwed dakayu nga agnanayunin.

Juan 14:16 Iomraidhean Croise

Matyu 28:20

Ket isuru nu da nga tungpalen da diya amin nga nibilin ku dakayu. Ket laglagipen nu kuma nga kabulun dac nga pe̍yeng agingga iya panagpatingga nidi nga timpu,” kunen na.

Juan 14:14

Ngarud, orey nagan na nga adngen nu nad iyaken nga sipapati iya kinaturay ku, tungpalec ngarud para dakayu,” kunen ne̍ Je̍sus.

Juan 14:18

“Madi nakayu ngarud baybay-an, ta sumoli yac nad mettas dakayu.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 16:22

Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 17:15

Ket ya adngec kun para igida, madic adngen nga ipanaw mu da iya lubung ngi, no di lugud iliclic mu da kuma ngas iya diyablu nga managdacdake̍c.

Juan 17:20

“Ngem bekken nas nga igida didi diya ikarkararagac, no di lugud pe̍ diya mamati nad iyaken gapu iya kasaba da.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 7:39

Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

Aramid 1:4

Ket ito name̍nsan nga naguurnung da, itu yani ya nibilin ne̍ Je̍sus igida: “Madi kayu pekkem pumanaw ka He̍rusale̍m, ta itonan nu pekkem to nikari niya Ama nga nibagac dakayu itun.

Aramid 13:52

Ket dito pasurut niya Apu nga iAntiyakiya, naganggem da nga unay, se̍ paiturayan da pe̍ iya Ispiritu Santu.

Aramid 9:31

Ket iyan nga timpu win, awan to pannakaparparigat iya bungguy diya mamati kadiya prubinsiya nga Hudya, Galilya se̍ Samarya ngin. Ket bimileg ya panamati da se̍ imadu ya bilang dan, ta nipatpateg dan ya Apu iya panagbiyag da, se̍ tinulungan pe̍ niya Ispiritu Santu da.

Ruma 14:17

Ta no maipanggep iya panangituray ne̍ Apu Diyus dactida, ket bekken nga ya pannangan se̍ panaginum ya napateg, no di lugud ya pannakapalinteg, se̍ ya panagtutunus, se̍ ya panaganggem nga tumaud iya Ispiritu Santu.

Ruma 15:13

Sapay kuma ta e̍ Apu Diyus nga paggayatan niya namnama tida, paragsaken nakayu kuma ka napalaus nga anggem se̍ talna, gapu iya panamati nu igina. Agten iyan kuma ngarud tasun dumacdackel ya namnama nu igina, gapu iya pannakabalin niya Ispiritu Santu nga uwed dakayu.

Ruma 5:5

Ket madi tida ngarud mapaay idi nga namnama tida. Ta nipakaemmu ne̍ Apu Diyus ya ayat na dactidan, nga arig nga nibuyat na dactida, gapu iya Ispiritu Santu nga naipaay dactida.

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

Pilipus 2:1

Ket tutu met nga gapu iya pannakaitipun nu e̍ Kristu, mapabileg ya panpanunut nu. Ket gapu iya ayat na, maliwliwa kayu. Uwed pe̍ pannakibulun nu iya Ispiritu Santu, se̍ uwed met pe̍ panagpipinnateg se̍ panagkikinnaasi nu.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

2 Juan 1:2

Ay-ayaten dakayu nga tutu maikanatad iya kinapudnu maipanggep e̍ Apu Diyus, ket silalagip tida nga pe̍yeng idi nga kinapudnu ita, se̍ ka agnanayun pe̍.