Juan 14:15 - Ya Baru nga Tulag

¹⁵ Ket nituluy ne̍ Je̍sus, nga kinunen na, “No tutu nga ayaten dac, tungpalen nu ngarud diya bilin ku.

Juan 14:15 Iomraidhean Croise

Matyu 10:37

“Ket ya toley nga napatpateg igina ya ama winno ina na ngem iyaken, bekken nga maikari nga maibilang nga toley ku. Se̍ agten pe̍ no ipatpateg niya isa nga toley ya anac na nga lalaki winno babey ngem iyaken, bekken met nga maikari nga maibilang nga toley ku.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

1 Kurintu 16:22

Ket no uwed da madi mangipateg iya Apu, mailunud da ngas kuma. Sapay kuma ta umbe̍t ka ngarudin, Apu!

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

E̍pe̍su 6:24

Sapay kuma ta uwed ya siaayat nga asi ne̍ Apu Diyus kadiya amin nga agayat iya Apu tida nga Je̍su Kristu ka ayat nga awan panagpatingga na.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.

2 Juan 1:6

Ket agten idi ya panangipasingen tida iya panagayat tida: Maipasingen ya panagayat tida no agbiyag tida maikanatad kadiya bilbilin ne̍ Apu Diyus. Ket ya bilin nga naisuru dakayu manipud ito damu kayu nga mamati, ket agten idi: Silalagip kayu kuma iya bilin nga agiinnayat kayu.