Juan 14:12 - Ya Baru nga Tulag

¹² “Pudnu met yani nga ibagac: Diya mamati iyaken, matulad da met pe̍ diya wangwanglec. Ket bekken nas nga iyan, ta diya mamati iyaken, dacdackel pekkem ya mawangel da nad ngem kadiyan. Tutu met ya agten iyan, ta mawe̍ yac iya pagedyanan mettas niya Ama.

Juan 14:12 Iomraidhean Croise

Matyu 21:21

Ket kinunen ne̍ Je̍sus igida, “Kinapudnu na, no sipapati kayu nga awan panagduwaduwa nu, mabalin nga arimanen nu pe̍ ya agten idi nga inariman ku iya kayu nga igus si. Se̍ bekken nas nga iyan, no di lugud mabalin nu pe̍ nga bilinen yani nga tageytey, nga kunen nu, ‘Maiyalis ka nga maipisuc iya baybayin,’ kunen nu kuma, ket maariman met nga tutu.

Markus 11:13

Ket nasingen na iya deyyu ka e̍teng ya isa nga naeeddon nga kayu nga igus. Ket nawe̍ na inadenniyan to kayu, nga singen na no uwed bisic na. Ngem ito nakadateng iya edyan nito kayu, yan nas met eddon ya nasingen na, ta bekken pekkem nga panagbibisic diya igus.

Markus 16:17

“Ket uwed nad pagilasinan nga maibulun kadiya mamati, nga agten idi: Gapu iya kinaturay ku, makapatalew da ka sairu, se̍ makakagi da nad kadiya sabali nga pagkakagi nga bekken da nga naadal.

Juan 14:28

“Malagip nu ngarud to kaibagbagac dakayu nga pumanaw wac nad, ngem sumoli yac nad mettas dakayu, kunec. Ket no pudnu ya panagayat nu iyaken, naragsakan kayu kuma, gapu ta mawe̍ yac ngarud iya pagedyanan niya Ama. Ket ya Ama, nangatngatu met ngem iyaken.

Juan 16:7

Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu.

Juan 4:37

Ta tutu met to pagkakagi nga, ‘Isa ya agmula, sabali ya aggani.’

Juan 5:20

Ta ya Ama, ayaten na ya Anac, ket ipakaemmu na igina ya amin nga wangwanglen na. Ket ipawangel na nad iya Anac diya daddadackel pekkem ngem kadidi nga nasingen nun, tasun masdaaw kayu.

Juan 7:33

Itu nga kinunen ngarud ne̍ Je̍sus, “Bekken nga mabayagin ya pannakibulubulun ku dakayu. Ta sumoli yac iya edyan niya nangibon iyaken.

Juan 7:39

Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

Aramid 10:46

Ta nagicna da nga nagkagkagi da ka nadumaduma nga pagkakagi, se̍ nagicna da pe̍ ya panagdaydayaw da e̍ Apu Diyus.

Aramid 16:18

Ket adu nga algew nga agten iyan ya winangwangel nito balasang. Ket e̍ Pablu, nalucsew met kadiyanin, itu nga limaw-ing nga kinunen na ito sairu, “Bilinen naka gapu iya kinaturay ne̍ Je̍su Kristu nga agtalew kan iyan nga balasang!” kunen na. Ket sigida ngarud nga nagtalew to sairu iginan.

Aramid 19:12

Ta orey no pangyu winno mongmong ngas nga inusar na, nipen diya toley kadiya agsakit se̍ kadiya naluganan ka sairu, ket nalaingan mettin diya agsakit se̍ pimanaw diya sairu nga limugluganin.

Aramid 2:33

Naipangatu nge̍ Je̍susin nga nawe̍ iya madiwanan ne̍ Apu Diyus, nga itu ya kadayawan nga saad. Ket inawat ne̍ Je̍sus to nikari ne̍ Apu Diyus itun, nga itu ya Ispiritu Santu nga naiyalubu win dakami. Ket itu win ya masingsingen se̍ magicgicna nu ita.

Aramid 2:41

Ket dito namati kadito kinagi ne̍ Pe̍dru, nagpabautisar da ngarud. Ket itun mettas nga algew, uwed sumaggatlu nga ribu nga naidga iya bungguy dito sigud nga mamati e̍ Je̍sus itun.

Aramid 4:16

nga kinunen da, “Nagan ngarud ya pamaayen tida kadidi? Madi tida met mailibac kin ya kinapudnu maipanggep iya napasamac, ta emmu diya amin nga toley ennid He̍rusale̍min nga tutu nga nakaskasdaaw nga unay to winangel dan.

Aramid 4:33

Ket dito apustule̍s, gapu iya nabileg nga pannakabalin nga uwed igida, nalaing da nga nangaskasaba maipanggep iya nasingen da nga panagungar ne̍ Apu Je̍sus. Ket dackel nga unay ya tulung ne̍ Apu Diyus igida.

Aramid 4:4

Ket dito naggigicna kadito kinagkagi de̍ Pe̍dru nge̍ Juan enna Te̍mplu, adu latta igida ya namati iya naisuru nga maipanggep e̍ Je̍sus. Dikad pe̍ pasar lima nga ribu mettin to dagup dito lalaki nga namati yin.

Aramid 5:15

Ket gapu kadito nakaskasdaaw nga inariman dito apustule̍s, niruwar diya toley diya agsacsakit. Nipen da da iya kalsada, nga nipaida da dito agsakit iya nagipaidaan da nga kama winno kasew, tasun no tumalib kanu igida nge̍ Pe̍dru, orey no maniniwingan na da ngas kuma, bareng no malaingan dan.

Aramid 6:7

Ket ad-adda ya pannakaisacnap niya kagi ne̍ Apu Diyus. Ket imadu met nga unay ya bilang diya pasurut niya Apu enna He̍rusale̍m, ket uwed da pe̍ adu nga agsirsirbi iya Te̍mplu nga simurut iya pammati nga nikasaba dito apustule̍s.

Aramid 8:7

Ta napatalew diya sacsairu kadiya adu nga toley nga naluganan, ket nagkerkerre̍s met dito adu nga sacsairu nga rinumwar kadito linuganan da. Se̍ adu pe̍ dito napalaing nga piley se̍ lugpi.

Aramid 9:34

Ket e̍ Pe̍dru, kinunen na igina, “E̍nyas, agasan naka nge̍ Je̍su Kristu win. Gumnukat kan, se̍ lukutem ya abec mun,” kunen na. Ket tutu ta dagus nga ginumnukat to E̍nyasin.

Aramid 9:40

Ket e̍ Pe̍dru, pinaruwar na da ito kuwartu, se̍ nagparintumeng nga nagkararagin. Kalpasan na, sinangu na to bangkay, nga kinunen na, “Tabita, bumangun kan,” kunen na. Ket nagmata met nga tutu win. Ket ito nasingen na nge̍ Pe̍dru, bimangun mettin.

Ruma 15:19

Se̍ nangawis ku pe̍ diya pagilasinan se̍ nakaskasdaaw nga naariman ku gapu iya pannakabalin niya Ispiritu ne̍ Apu Diyus. Ket itan, natungpal kun ya panagpaspasyar ku nga nangipakaemmu iya Makaparagsac nga Damag maipanggep e̍ Kristu, manipud ka He̍rusale̍m agingga ka Iliriku.