Juan 13:8 - Ya Baru nga Tulag

⁸ Ngem kinunen latta ne̍ Pe̍dru, “Ahah! Bekken kuma nga ikew ya mangbeggu kadiya sakac, orey no nungey!” kunen na. Ngem kinunen ne̍ Je̍sus igina, “No madi naka begguwan, madi ka makalak-am iya ipaay ku,” kunen na.

Juan 13:8 Iomraidhean Croise

Matyu 16:22

Ket e̍ Pe̍dru, niyadeyyu na met ka e̍teng nge̍ Je̍sus, nga deldellawen nan nga kinunen na, “Sapay kuma ta madi ngarud ipalubus ne̍ Apu Diyus yan ikew, Apu!” kunen na.

Matyu 21:29

“Ngem kinunen met nito anac na, ‘Ahuh! Madi yac!’ kunen na. Ngem iya di nabayag, nagbabawi yin, ket nawe̍ mettas nagwangel.

Matyu 26:33

Ket e̍ Pe̍dru, kinunen na ngarud e̍ Je̍sus, “Orey no pumanaw da nga amin gapu iya mapasamac ikew, pulus nga madi naka met nga panawan nga gennung!” kunen na.

Matyu 26:35

Ket kinunen ngarud ne̍ Pe̍dru igina, “Orey no mapatey yac nga mairaman ikew, pulus nga di naka met ilibac!” kunen na. Ket amin dito pada na nga adalan, itu met pe̍ ya kinagi da.

Juan 13:6

Ket ito dumateng nge̍ Je̍sus e̍ Simon Pe̍dru, kinunen ne̍ Pe̍dru, “Nih, Apu! Ikew kad ya mangbeggu kadiya sakac?” kunen na.

Juan 13:9

Ket kinunen ngarud ne̍ Simon Pe̍dru, “Ay, no agten iyan, Apu, bekken nas ngarud nga diya sakac, no di orey diya imac pe̍, se̍ ya uluc met pe̍!” kunen na.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Aramid 22:16

Ket itan, madi ka agsagudadeng. Gumnukat kan, ta agpabautisar kan, se̍ ipakawan mu diya basbasul mu, nga awagam nga sitatalec ya Apu win,’ kunen ne̍ Ananyas iyaken.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

E̍pe̍su 5:26

tasun madalusan tida nga bungguy na kadiya basbasul tida, gapu iya kagi na. Ta nipac nan diya basbasul tida nga bungguy na, nga arig nga inugasan nactida ka danum.

Kulusas 2:18

Itu nga madi kayu lugud paiturayan kadiya mangallilaw dakayu, orey nagan na nga toley nga mangipapilit kuma dakayu iya ugali da. Ipapilit da ya ugali da nga mangiparit iya beggi kadiya kalinteggan toley. Se̍ ipapilit pe̍ diya agten iyan nga toley ya ugali da nga agdaydayaw kadiya anghe̍le̍s. Ta diya mangisursuru iya agten kadiyan, mayat da nga mangipaspasindayaw kadiya ipakaemmu kanu diya nailangitan igida. Ngem awan met banag nga tutu niya panangipaspasindayaw da, ta timaud das met kadiya nailubungan nga panpanunut da.

Kulusas 2:23

Pakasikapan tida ngarud diyan nga tungtungpalen, ta arig da nga tutu nga tumaud ka nabaru nga kinasirib. Ta diyan nga tungtungpalen, maipanggep iya sigagaed nga panagdayaw kadiya nailangitan, se̍ maipanggep iya pananglikud kadiya kalinteggan tida, se̍ maipanggep pe̍ iya panangipaidam kadiya kasapulan niya beggi. Ngem diya agten kadiyan, awan met pateg da, ta awan itulung da nga mangtimbeng kadiya dake̍c nga ricna niya beggi.

Titu 3:5

itu win to nangisalakan nan dactida. Ket to panangisalakan na dactida, bekken nga gapu kadiya nabaru nga tinungpal tida, no di lugud gapu was iya asi na. Nisalakan nactida gapu iya panangugas niya Ispiritu Santu dactida. Ta gapu iya Ispiritu Santu, nagbalin tida nga anac ne̍ Apu Diyusin, se̍ nae̍cdan tidan ka kabarbaru nga biyag.

He̍briyu 10:22

Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.