Juan 13:5 - Ya Baru nga Tulag

⁵ Kalpasan na, pinayan na ya isa nga palanggana ka danum, ket nirugi na met ya mangbeggu kadiya saka dito adalan na, se̍ na pinunasan da ito nike̍n na nga tuwalya.

Juan 13:5 Iomraidhean Croise

Lukas 7:38

Nawe̍ ngarud nagsikad nga agberberrit iya likud ne̍ Je̍sus, ket nagtedted met diya luwa na kadiya saka ne̍ Je̍sus. Nipunas na met ya ebbuc na mettas kadito naitedted nga luwa na kadiya saka ne̍ Je̍sus. Ket inagkan na met pe̍ nga sidadayaw diya saka na, se̍ na binucbukan diya saka na ito bangbanglu.

Lukas 7:44

Ket linaw-ing ne̍ Je̍sus to babey, se̍ na kinunen ito Simon, “Singem yani nga babey. Ket ikew, Simon, imuneg gac iya baley mu wi, ket di nac met ne̍cdan ka danum nga pangbegguc kadiya sakac. Ngem igina, linsep na met diya sakac kadiya luwa na, se̍ na pinunasan iya ebbuc na.

Juan 13:10

Ket kinunen ne̍ Je̍sus igina, “Ya toley nga nakadigusin, nadalusan amin niya beggi nan. Ket madi na masapul nga baliwanin, malacsid ngas diya saka na nga masapul nga mabegguwan manin. Ket dakayu, agten kayu pe̍ iyan, ta nadalus kayun. Ngem uwed das isa dakayu nga bekken,” kunen na.

Juan 13:6

Ket ito dumateng nge̍ Je̍sus e̍ Simon Pe̍dru, kinunen ne̍ Pe̍dru, “Nih, Apu! Ikew kad ya mangbeggu kadiya sakac?” kunen na.

Juan 13:8

Ngem kinunen latta ne̍ Pe̍dru, “Ahah! Bekken kuma nga ikew ya mangbeggu kadiya sakac, orey no nungey!” kunen na. Ngem kinunen ne̍ Je̍sus igina, “No madi naka begguwan, madi ka makalak-am iya ipaay ku,” kunen na.

Juan 19:34

Ngem orey pe̍ no agten iyan, ket ya isa kadito suldadu, nidoyoc na latta ya say-ang na iya le̍pyong ne̍ Je̍sus, ket sigida nga uwed rinumwar nga daga se̍ danum.

Aramid 22:16

Ket itan, madi ka agsagudadeng. Gumnukat kan, ta agpabautisar kan, se̍ ipakawan mu diya basbasul mu, nga awagam nga sitatalec ya Apu win,’ kunen ne̍ Ananyas iyaken.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

E̍pe̍su 5:26

tasun madalusan tida nga bungguy na kadiya basbasul tida, gapu iya kagi na. Ta nipac nan diya basbasul tida nga bungguy na, nga arig nga inugasan nactida ka danum.

1 Timutyu 5:10

Ket masapul pe̍ nga uwed maemmuwan diya toltoley nga wangwanglen da nga nabaru, agten iya panangpadackel kadiya anac da ka nabaru nga sursuru, se̍ ya managsangaili, se̍ ya managistimar kadiya pada da nga mamati, se̍ ya managkaasi kadiya kackaasi. Ngarud, diya balu nga ilista nu, yan nas agisnup kadiya amin nga nabaru nga kabaellan da nga wanglen.

He̍briyu 10:22

Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

1 Juan 1:7

Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.

1 Juan 5:6

Ket e̍ Je̍su Kristu, igina met ya uwed duwa nga pammanecnec nga nipasingen na ito inumbe̍t itun. Ket danum se̍ daga dito pammanecnec na. Bekken nas nga danum ya pammanecnec ne̍ Je̍sus, no di pe̍ daga. Ket ya Ispiritu Santu met pe̍ ya mangipanecnec iya pudnu maipanggep igina, ta agpudnu was met ya Ispiritu Santu.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.