Juan 13:33 - Ya Baru nga Tulag

³³ “An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 13:33 Iomraidhean Croise

Juan 13:36

Ket e̍ Simon Pe̍dru, nagsaludsud e̍ Je̍sus nga kinunen na, “Awac kadi ya pennam, Apu?” kunen na. Ket kinunen ne̍ Je̍sus igina, “Madi ka mabalin ya mipuyut iyaken ita iya kapennac. Ngem sumarunu ka nad mettas,” kunen na.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:2

Enna edyan ne̍ Amac, adu ya pagedyanan, ket mawe̍ yac mangisagana ka pagedyanan nu. Tutu met yan, ta madic met ibaga dakayu no bekken nga pudnu.

Juan 7:36

Ta nagan ngata ya kayat na nga kagiyen ito kinunen na nga sapsapulen tida nad ngem madi tida kanu masmac kin, se̍ to kinunen na nga madi tida kanu makapen iya pagedyanan na?” kunen da.

Galasiya 4:19

Dakayu nga arig nga an-anac kun, masakitan ya nakem kun gapu dakayu, nga maiyarig iya pannakapasakit niya isa nga babey nga agpakiskis nga aganac. Ket agten iyan ngarud ya panagrigat ku gapu dakayu, agingga nga ya gangey ne̍ Kristu kuma ngin ya mangituray nga pe̍yeng dakayu.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 5:21

Dakayu nga patpatgec nga an-anac, madi kayu kuma ngarud makibiyang kadiya didiyusen.