Juan 13:32 - Ya Baru nga Tulag

³² Ket gapu ta maidaydayaw nge̍ Apu Diyus gapu igina, e̍ Apu Diyus mettas ya mangipadayaw igina ka kinadayaw na mettas. Ket ita ngarudin ya panangipadayaw ne̍ Apu Diyus igina.

Juan 13:32 Iomraidhean Croise

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:13

Iyaken ya pangrugiyan se̍ ya panggibusan niya amin, ya kaonaan se̍ ya kaodiyan, ya pagtaudan se̍ ya pagtungpalan niya amin,” kunen na.

Paltiing 22:3

Ket awan nad pulus mailunud iya imatang ne̍ Apu Diyus antuni nin. Ket to trunu nga pagtugawan ne̍ Apu Diyus se̍ ya Urbun Karne̍ru, itu nga gennung ya uwed nad iyan nga siyudad. Ket diya agsirsirbi e̍ Apu Diyus, agdaydayaw da nad igina antuni.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.