Juan 13:31 - Ya Baru nga Tulag

³¹ Ket ito nakapanaw nge̍ Hudasin, kinunen ne̍ Je̍sus kadito duduma nga adalan na, “Nadatngan ngarudin ya timpu nga pakaidayawan niya Anac nga Naipatoley. Ita pe̍ yin ya timpu nga pannakaipakaemmu niya kinadayaw ne̍ Apu Diyus gapu iya Anac nga Naipatoley.

Juan 13:31 Iomraidhean Croise

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Lukas 12:50

Ngem masapul nga malak-am mac pekkem ya panagsagabac nga arig nga pannakabautisar ku, ket awan met talnac agingga nga di pekkem matungpal yani iyaken.

Juan 11:4

Ket ito nagicna ne̍ Je̍sus yan, kinunen na, “Madi ipatey ne̍ Lasaru yan nga sakit na. Pakaidayawan ne̍ Apu Diyus yan nga sakit na, ta gapu idi nga mapaspasamac, uwed nad met pakaidayawan niya Anac ne̍ Apu Diyus,” kunen na.

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 16:14

Iyaken nad ya ipadayaw na dakayu, ta diya gabay ku nga ibaga dakayu, itu mettas ya ipakaemmu na nad dakayu.

Juan 7:39

Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

Aramid 2:36

“Dikad pe̍ kapadpadac nga Israe̍lita, maemmuwan tida kuma nga nalaingin nga e̍ Je̍sus nga nipailansa nu ka krus, igina mettin ya dinutukan ne̍ Apu Diyus nga Apu se̍ Kristu.” Itu ya nipakaemmu ne̍ Pe̍dru.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.

2 Kurintu 3:18

Dikad pe̍ dactida nga amin nga mamati e̍ Kristu, maiyarig tida ka sarming nga pakasingnan iya kinadayaw niya Apu, nga awan dactidan to arig nga manglinged. Ket kankanayun tida nga mapabaru gapu iya Apu, nga itu ya Ispiritu, tasun maitutup tida kuma iya kinadayaw na.

E̍pe̍su 1:12

Dikad pe̍ dactida nga non-ona nga uwed namnama na gapu e̍ Kristu, agpaay tida ngarud iya pakaidayawan ne̍ Apu Diyus, ta itu ya tarigagay na para dactida.

E̍pe̍su 2:7

Ket inariman ne̍ Apu Diyus yan, tasun kadiya amin nga maadpangan nga timpu, ipasingen na ya napalaus nga asi na nga siaayat. Ipasingen na ngarud ya ayat na dactida, gapu iya pannakaitipun tida e̍ Kristu Je̍sus.

E̍pe̍su 3:10

Ket ita, gapu iya masingen iya bungguy mamati, ket diya uwed turay winno pannakabalin da ka langit, maemmuwan da ngarudin ya nakaskasdaaw nga kinasirib ne̍ Apu Diyus kadiya nadumaduma nga panggep na.

Pilipus 2:11

Ket se̍ tasun pulus nga awan madi agibalikas nga e̍ Je̍su Kristu, ket igina ya Apu. Ket iya agten iyan, maidaydayaw ngarudin nge̍ Apu Diyus nga Ama.

1 Pe̍dru 1:21

Ket gapu igina, mamati kayu e̍ Apu Diyusin. Igina ya nangpaungar se̍ nangpadayaw e̍ Kristu, itu nga e̍ Apu Diyus ya patpatiyen se̍ namnamaen nun.

1 Pe̍dru 2:12

Pe̍yeng nu kuma nga ipasingen diya nabaru nga ug-ugali nu kadiya toley nga di mamati e̍ Apu Diyus. Tasun iyan, orey kunen da ita nga dake̍c kayu kanu nga toley, malasin da met nga nabaru nga tutu diya wangwanglen nu. Ket iya agten iyan, dayawen da nad met nge̍ Apu Diyusin, no madatngan ya timpu niya pananglinteg na.

1 Pe̍dru 4:11

Kaspagarigan no ya pannakabalin nga mangaskasaba kuma ya naitalec ikew, mangasaba ka ngarud, ngem silalagip ka kuma nga ya kagi ne̍ Apu Diyus met ya ikaskasaba mun. Ket no ya pannakabalin nga tumulung ya naitalec ikew, ket tumulung ka ngarud, ngem sitatalec ka iya kabaellan nga e̍cde̍ ne̍ Apu Diyus. Agten iyan kuma ya wanglen nu, tasun e̍ Apu Diyus ya maidaydayaw iya amin nga wangwanglen nu, gapu e̍ Je̍su Kristu, ta igina met ya maikari nga madayaw se̍ agturay ka agnanayun. Agten iyan kuma.