Juan 13:24 - Ya Baru nga Tulag

²⁴ Ket to Simon Pe̍dru, sininyasan na yan nga adalan, ket kinunen na igina, “Saludsudem kay igina no nagan na ya kagkagiyen na,” kunen na.

Juan 13:24 Iomraidhean Croise

Lukas 1:22

Ket ito rinumwarin, madi met makakagi igidan, ket itu ya nakaemmuwan da nga uwed nagpasingen igina iya uneg niya Te̍mplu. Ket sininyasan na da ngas, ta naumel met nga tutu win.

Lukas 5:7

Itu nga pinalbe̍t da ngarud diya kabulun da nga uwed ito sabali nga bangka, tasun umbe̍t da tumulung igida. Ket nawe̍ da ngarud, ket pinnu da met ka lames dito duwa nga bangka, agingga ka dandani nga lumned din dito bangka.

Juan 13:23

Ket uwed iya abay ne̍ Je̍sus ya dinungdungngu na nga adalan, nga nagse̍rse̍rig igina.

Juan 13:25

Dikad pe̍ to adalan nga dinungdungngu ne̍ Je̍sus, nagse̍rig manin igina, ket dinamag na e̍ Je̍sus, “Nagan kadi yan nga kunem, Apu?” kunen na.

Aramid 12:17

Ket e̍ Pe̍dru, sininyasan na da nga agulimec da kuma, se̍ na nisapsaput igida no kumaan nito panangiruwar niya Apu igina ito pagbaludan. Ket nibilin na pe̍ nga kinunen na, “Isapsaput nu kay pe̍ yani e̍ Santiyagu se̍ kadiya duduma nga kakabsat tida ka pammati,” kunen ne̍ Pe̍dru, se̍ man pimanawin nga nawe̍ ka sabali nga lugar.

Aramid 13:16

Dikad pe̍ nagsikad ngarud nge̍ Pablu, se̍ sininyasan na dito toley tasun madi da kuma mamagasin. Ket nirugi na to panangilawlawag na, nga kinunen na, “Padac nga Israe̍lita se̍ dakayu nga bekken nga Hudyu nga mangipatpateg e̍ Apu Diyus, denggen dac kuma.

Aramid 21:40

Ket pinalubusan ngarud nito kumande̍r nge̍ Pablu. Dikad pe̍ e̍ Pablu, nagsikad ito agdan nito kampu, se̍ na sininyasan dito napagas nga toltoley nga agulimec da. Ket ito nagtalna nga nalaing dito toltoley yin, nagkagi nge̍ Pablu igida ka kagi da nga He̍briyu.