Juan 13:20 - Ya Baru nga Tulag

²⁰ “Pudnu met yani nga ibagac dakayu: Ya umawat iya ibon ku, maibilang nga iyaken mettas ya awaten na. Ket iya agten iyan, ya umawat iyaken, awaten na met pe̍ ya nangibon iyaken,” kunen na.

Juan 13:20 Iomraidhean Croise

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

Markus 9:37

“Ya mangrispitar iya isa kadiya agten idi nga ebbing gapu iyaken, iyaken met ya rinispitar na. Ket ya mangrispitar iyaken, bekken nas nga iyaken ya rinispitar na, no di pe̍ ya nangibon iyaken,” kunen na.

Lukas 10:16

Ket kinunen ne̍ Je̍sus kadito ibon na, “Ya mangipangag dakayu, iyaken met ya tutu nga ipangag na. Ket ya toley nga madi mangdayaw dakayu, iyaken met ya madi na dayawen. Ket ya madi mangdayaw iyaken, ya nangibon met iyaken ya madi na dayawen,” kunen na.

Lukas 9:48

Ket kinunen ne̍ Je̍sus kadito adalan na, “Ya mangrispitar idi nga ebbing gapu iyaken, iyaken met pe̍ ya rinispitar na. Ket ya mangrispitar iyaken, ya nangibon iyaken pe̍ yin ya rinispitar na. Ta ya kanumuwan dakayu nga amin, itu nga tutu ya kangrunaan iya imatang ne̍ Apu Diyus,” kunen na.

Galasiya 4:14

Ket orey narigatan kayu itun gapu ito panagkapsut niya karadkad ku, di dac met pinalpaliw winno kinalucsew itun, no di lugud rinispitar dac nga arig nga isa nga anghe̍l ne̍ Apu Diyus ya sinangaili nu itun, winno arig nga e̍ Kristu Je̍sus mettas ya sinangaili nu.

Kulusas 2:6

Ket gapu ta makiapu kayu e̍ Kristu Je̍susin, makitipun kayu kuma ngarud pe̍ igina iya panagbiyag nun.

1 Te̍salunika 4:8

Dikad pe̍ ya agsukir idi nga sursuru, bekken nga toley ya pagsukiran na no di lugud e̍ Apu Diyus nga mange̍cde̍ dactida iya Ispiritu na nga nasantuwan.