Juan 13:2 - Ya Baru nga Tulag

² Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Juan 13:2 Iomraidhean Croise

Matyu 10:4

se̍ e̍ Simon nga maawagan ka Pasnec, se̍ to Hudas Iskariyute̍, nga itu to nangiyawat iya Apu.

Lukas 22:3

Ket itun, naglugan met nge̍ Satanas ito Hudas nga managan pe̍ ka Iskariyute̍, nga isa kadito sangapulu ket duwa nga adalan.

Lukas 22:31

Ket kinunen ne̍ Je̍sus e̍ Pe̍dru, “Ay, Simon, denggem yani nga ibagac ikew: Napalubusan nge̍ Satanas nga mangriribuc dakayu, nga maiyarig iya panagisap ka beggas tasun maisibna ya nabaru iya bekken nga nabaru.

Juan 13:11

Kinunen ngarud ne̍ Je̍sus yan, ta emmu na nga sigud ya mangiyawat igina. Ket itu ya gapu na nga kinunen na nga nadalus da nga amin, malacsid ya isa.

Juan 13:4

Itu nga ito madama da pekkem nga mangmangan, ginumnukat nge̍ Je̍susin, se̍ na nipac ya ke̍bal na, ket nangike̍n ka tuwalya ngin.

Aramid 5:3

Ket kinunen ne̍ Pe̍dru igina, “Ananyas, ape̍ pinalubusam nge̍ Satanas nga mangituray ikew, nga agbusid ka iya Ispiritu Santu win? Ta binatim met ya duduma nga bayad nito ginet mu.

2 Kurintu 8:16

Ket agyaman kami e̍ Apu Diyus, ta ne̍cde̍ na e̍ Titu ya sipapasnec nga panangasikasu dakayu, nga agten met iya panangasikasu mi dakayu.

E̍pe̍su 2:3

Ket ya kinapudnu na, dactida nga amin, agten tida met pe̍ kadiyan itun. Diya kabucbukudan tida nga tarigagay met ya tinungtungpal tida itun, ta winangwangel tida ngas diya tinarigagayan diya beggi se̍ nakem tida. Ket gapu kadiyan nga gangey tida itun, sigud nga maikari tida ngas nga aglak-am iya unget ne̍ Apu Diyus, agten mettas kadiya duduma nga toltoley.

Paltiing 17:17

Agten nad iyan ngarud ya wanglen da, ta panggep met ne̍ Apu Diyus nga tignayen nad ya panpanunut da, tasun ipatungpal da nad ya panggep na mettas. Ta agkaykaysa da nad nga mange̍cde̍ iya turay da ito animal. Ket iya agten iyan, to animal met ya mangiturayin agingga iya pannakatungpal dito pinaipadtu ne̍ Apu Diyus maipanggep iya maadpangan.