Juan 13:17 - Ya Baru nga Tulag

¹⁷ Ket ita, gapu ta emmu nun yan nga nibagac dakayu, maragsakan kayu met no tungpalen nu.

Juan 13:17 Iomraidhean Croise

Matyu 12:50

Ta orey nagan na nga agtungpal iya tarigagay niya Amac nga uwed ka langit, itu ya maibilang nga kabsat ku nga lalaki winno babey, winno ya inac,” kunen na.

Lukas 11:28

Ngem kinunen met ne̍ Je̍sus, “Kinapudnu na, nagasgasat pekkem diya dumngeg se̍ mangtungpal iya kagi ne̍ Apu Diyus,” kunen na.

Juan 15:14

Ket dakayu, gagayyem nakayu ngarud no tungpalen nu ya ibilin ku.

Ruma 2:13

Ta no maipanggep iya panangpalinteg ne̍ Apu Diyus, ket agten idi: Diya maibilang nga nalinteg iya imatang ne̍ Apu Diyus, bekken nga diya aggigicna ngas maipanggep iya Linteg, no di lugud diya agtungpal iya banag niya Linteg.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

Santiyagu 1:25

Ngem dakayu, pe̍yeng nu kuma nga adalen nga sipapasnec ya kagi ne̍ Apu Diyus, se̍ madi kayu kuma le̍pananin. Ta ya kagi ne̍ Apu Diyus, awan pagkurangan na, ket itu ya makawayawaya dactida. Itu nga madi tida kuma agten kadito agpatingga ngas ka panagdengdengngeg, no di tida lugud sumurut nga pe̍yeng, ket paragsaken nactida nge̍ Apu Diyusin.

Santiyagu 4:17

Dikad pe̍ tandaanan nu ngarud yani: No uwed makaemmu iya rumbeng nga wanglen na kuma, ngem bekken met latta nga itu ya wanglen na, basul na mettin.

Paltiing 22:14

Nagasat ngarud diya mangpadalus iya sutana da, tasun mae̍cdan da ka kalinteggan nga mangan iya bisic nito kayu nga pagbiyagan enna siyudad, se̍ tasun mapalubusan da nga lumnec kadito ruwangan nito bakud nga umuneg ito siyudad.