Juan 13:11 - Ya Baru nga Tulag

¹¹ Kinunen ngarud ne̍ Je̍sus yan, ta emmu na nga sigud ya mangiyawat igina. Ket itu ya gapu na nga kinunen na nga nadalus da nga amin, malacsid ya isa.

Juan 13:11 Iomraidhean Croise

Juan 13:18

“Bekken nga dakayu nga amin ya kunec ita, ta mailasin nakayu nga pinilic. Ngem ya napaspasamac, ket tasun matungpal to padtu nga naisurat iya Bibliya nga kunen na, ‘Kinuntra nac met ya nakilanglang iyaken.’

Juan 13:2

Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Juan 13:21

Ket ito nakagi ne̍ Je̍sus yanin, nadagsen nga unay ya ricna nan. Ket nipakaemmu na igida ya uwed iya lemlemmet na nga kinunen na, “Ibagac ngarud ya kinapudnu na dakayu, nga uwed met isa dakayu nga mangiyawat iyaken kadiya kumuntra iyaken,” kunen na.

Juan 13:26

Ket nisungbat ne̍ Je̍sus nga kinunen na, “Ya pange̍cde̍yac idi nga isewsew ku nga tinapay, ket igina met,” kunen na. Ket nisewsew na ngarud to tinapay, se̍ na niyawat e̍ Hudas nga anac nito Simon Iskariyute̍.

Juan 17:12

Bayat niya kauwed ku igida, iyaken ya nangaywan igida gapu iya turay mu nga nitalec mu iyaken. Ngarud, nislaanac da, ket awan igida ya napukaw ku, malacsid to isa, nga igina ya agpaay ka pannakapukaw, ta itu ya pakatungpalan nito naisurat iya Bibliya itun pekkem.

Juan 18:4

Ket gapu ta emmu ne̍ Je̍sus nga sigud diya amin nga mapasamac igina, simangu nga nangsabet igida, ket kinunen ne̍ Je̍sus igida, “Nagan ya sapsapulen nu?” kunen na.

Juan 2:25

Itu nga madi na masapul ya mangibaga igina maipanggep iya gangey toley, ta emmu na nga sigud ya uwed kadiya lemlemmet diya toley.