Juan 13:1 - Ya Baru nga Tulag

¹ Ket itun, nganngani ya Padaya Nitatalibin. Ket e̍ Je̍sus, emmu na nga nadatnganin ya timpu na nga pumanaw idi nga lubung se̍ ya isosoli na iya Ama. Pe̍yeng nga inay-ayat ne̍ Je̍sus diya toley na idi nga lubung. Ket nabileg ngarud pekkem pe̍ ya panagayat na igida agingga iya pagpatinggaan niya biyag na idi nga lubung.

Juan 13:1 Iomraidhean Croise

Matyu 26:45

Kalpasan na, simoli manin ito edyan dito adalan, ket kinunen na igida, “Agtudtudug se̍ agim-imang kayu pekkem? Singen nu! Dandani ya timpuc kun, ket maiyawatin ya Anac nga Naipatoley kadiya managbasul.

Matyu 28:20

Ket isuru nu da nga tungpalen da diya amin nga nibilin ku dakayu. Ket laglagipen nu kuma nga kabulun dac nga pe̍yeng agingga iya panagpatingga nidi nga timpu,” kunen na.

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Lukas 9:51

Ket ito dandani yin ya timpu nito ipeppen ne̍ Je̍sus ka langit, nipasnec na ya panggep na nga mawe̍ ka He̍rusale̍m.

Juan 11:55

Ket itun, dandani to timpu padaya diya Hudyu nga maawagan ka Padaya Nitatalib. Dikad pe̍ adu diya nanang-at nga nawe̍ ka He̍rusale̍m nga naggayat kadiya nadumaduma nga barbaryu. Nawe̍ da ngarudin, tasun tungpalen da nga mona ya alagaden da nga mangpadalus iya beggi da, sacbay niya panangrugi nito padaya.

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 13:29

Ket gapu ta e̍ Hudas to nagik-ikem iya laclakassa nga pupunduwan da ka kuwarta, pinagarup dito duduma kadito adalan no nibaga ne̍ Je̍sus igina nga mawe̍ kuma ngumina ka kasapulan da iya padaya, winno nibaga na nga mawe̍ kuma mange̍cde̍ ka kasapulan diya napanglaw.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 13:34

“Ket itan, uwed kabarbaru nga bilin nga ibagac dakayu: Masapul nga agiinnayat kayu. Ket no kumaan niya panagayat ku dakayu, ket agten iyan kuma pe̍ ya panagayat nu iya tunggal isa dakayu.

Juan 14:28

“Malagip nu ngarud to kaibagbagac dakayu nga pumanaw wac nad, ngem sumoli yac nad mettas dakayu, kunec. Ket no pudnu ya panagayat nu iyaken, naragsakan kayu kuma, gapu ta mawe̍ yac ngarud iya pagedyanan niya Ama. Ket ya Ama, nangatngatu met ngem iyaken.

Juan 14:31

ngem mapasamac ngas didi iyaken tasun maemmuwan diya toltoley iya lubung ngi nga ayatec met nga tutu ya Ama, se̍ tungpalec ngarud diya amin nga ibilin niya Ama iyaken. “Ala, pumanaw tida idi nin,” kunen na.

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 17:16

Ngarud, bekken da nga kamkameng diya uwed idi nga lubung, ta agten da pe̍ iyaken nin, nga bekken nac pe̍ nga kameng diya uwed idi nga lubung.

Juan 17:26

Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 18:4

Ket gapu ta emmu ne̍ Je̍sus nga sigud diya amin nga mapasamac igina, simangu nga nangsabet igida, ket kinunen ne̍ Je̍sus igida, “Nagan ya sapsapulen nu?” kunen na.

Juan 19:28

Ket e̍ Je̍sus, emmu na nga natungpal aminin. Ket tasun matungpal kuma ya isa pekkem nga padtu nga naisurat iya Bibliya, kinunen na, “Newwew wac.”

Juan 2:13

Ket itun, dandani yin to padaya diya Hudyu nga maawagan ka Padaya Nitatalib. Ket nanang-at nge̍ Je̍sus nga nawe̍ ka He̍rusale̍m nga makipadaya.

Juan 6:4

Ket dandani itunin ya algew nito padaya diya Hudyu nga maawagan ka Padaya Nitatalib.

Juan 7:30

Ket gapu iyan nga kinagi na, pinanggep dito pangpangulu nga tacmen nin, ngem awan met igida ya nakaibanag. Ta ya kinapudnu na, madi pekkem nadatngan itun ya kustu nga timpu nga nikeddeng ne̍ Apu Diyus.

Juan 7:6

Ket e̍ Je̍sus, kinunen na igida, “Dakayu, nawaya kayu nga agwangel ka gabay nu, orey nungey. Ngem iyaken nga gennung, madi pekkem nadatngan ya timpuc.

Juan 8:20

Ket kinagi ne̍ Je̍sus diyan ito panangisursuru na enna Te̍mplu, ito edyan dito pipisukan ka datun nga kuwarta. Ngem orey uwed nge̍ Je̍sus antuni nga silalatac, awan met nangtekkem igina, ta madi pekkem nadatngan itun ya kustu nga timpu nga nikeddeng ne̍ Apu Diyus.

Ruma 8:37

Ngem bekken kuma nga itu ya pagdanagan tida diyanin. Ta orey no agten iyan ya kasasaad tida, nabilbileg latta ya panangabac tida iya amin diyan, gapu igina nga nangayat dactida.

1 Kurintu 1:8

Ket igina mettas ya mangpabaked iya panamati nu, tasun awan pakaukuman nu no madatnganin ya Timpu niya Apu tida nga Je̍su Kristu.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

1 Pe̍dru 1:13

Itu nga pabilgen nu ngarud ya panpanunut nu, se̍ tanangen nu met pe̍ ya panagpanpanunut nu. Ket isnup nu kuma ngas ya panangnamnama nu iya siaayat nga pakaasiyan nu nad no madatngan ya panagparang ne̍ Je̍su Kristu.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.